നീ എനിക്കു ഉപദേശം തരേണ്ടതിന്നു ഞാന് നിന്നെ അമ്മയുടെ വീട്ടില് കൂട്ടിക്കൊണ്ടുപോകുമായിരുന്നു; സുഗന്ധവര്ഗ്ഗം ചേര്ത്ത വീഞ്ഞും എന്റെ മാതളപ്പഴത്തിന് ചാറും ഞാന് നിനക്കു കുടിപ്പാന് തരുമായിരുന്നു.
മരുഭൂമിയില്നിന്നു തന്റെ പ്രിയന്റെ മേല് ചാരിക്കൊണ്ടു വരുന്നോരിവള് ആര്? നാരകത്തിന് ചുവട്ടില്വെച്ചു ഞാന് നിന്നെ ഉണര്ത്തി; അവിടെ വെച്ചല്ലോ നിന്റെ അമ്മ നിന്നെ പ്രസവിച്ചതു; അവിടെവെച്ചല്ലോ നിന്നെ പെറ്റവള്ക്കു ഈറ്റുനോവു കിട്ടിയതു.
എന്നെ ഒരു മുദ്രമോതിരമായി നിന്റെ ഹൃദയത്തിന്മേലും ഒരു മുദ്രമോതിരമായി നിന്റെ ഭുജത്തിന്മേലും വെച്ചുകൊള്ളേണമേ; പ്രേമം മരണംപോലെ ബലമുള്ളതും പത്നീവ്രതശങ്ക പാതാളംപോലെ കടുപ്പമുള്ളതും ആകുന്നു; അതിന്റെ ജ്വലനം അഗ്നിജ്വലനവും ഒരു ദിവ്യജ്വാലയും തന്നേ.
ഏറിയ വെള്ളങ്ങള് പ്രേമത്തെ കെടുപ്പാന് പോരാ; നദികള് അതിനെ മുക്കിക്കളകയില്ല. ഒരുത്തന് തന്റെ ഗൃഹത്തിലുള്ള സര്വ്വസമ്പത്തും പ്രേമത്തിന്നു വേണ്ടി കൊടുത്താലും അവനെ നിന്ദിച്ചുകളയും.
ശലോമോന്നു ബാല്ഹാമോനില് ഒരു മുന്തിരിത്തോട്ടം ഉണ്ടായിരുന്നു. ആ മുന്തിരിത്തോട്ടം അവന് കാവല്ക്കാരെ ഏല്പിച്ചു; അതിന്റെ പാട്ടമായിട്ടു, ഔരോരുത്തന് ആയിരം പണം വീതം കൊണ്ടുവരേണ്ടിയിരുന്നു.