Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.
Mami ole sobei koboch keldebesiet agoi metit; ago tinyei ng’otobosiek, ak kanerutik, ak mook che inenderi: ma kituch, ama kirat, ama kinur eng’ mwaita.
Tilei nee eng’ ane chang’indab tiseiywekwok? Mwaei Jehovah. Kigonyiia kagochinoik che bo beelset che bo mengichik, ak sunetikab tuga che bootin; ama baibaitune korotikab kirugik, anan ko che bo arekab kechir, anan ko che bo kwesik.
Amatata oibu kagochinoik che matilei kiy; aweche nyamdutik che kibeelei; ma amuchi amuita agobo igorwekab arawet ne kaleel, ak sabato, ak kuursetab tuiyosiek - yaitwogik choto, koboto tuiyetab kaming’inetab ge.
Ngelelik bouniguk, ak ko choronokab chorik; chamei age tugul tugukab kagaigaet, ak kosuboti tuguk che kigeerjin: maibesiechin ne matinyei kwanda, ama kiipchin ichek ng’alekab mosoget.
Mwaei anyun Kiptaiyat, Jehovah ne bo lugosiek, Inendet ne bo Kamuktaet ne bo Israel, kole, Haa, anyoru kagaigaet eng’ bunikyuk, ak ayoktochige mugetut eng’ bunikyuk: