Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.
ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.
Ak kotebi suiyot kobooto aarwetap keechiir, ak koruiyo cheplanget ak aarwetap ng'oroor, ak koruiyo moita ak ng'etundo parnotyot ak ne akwai, ak kokweri icheek `lakweet ne ming'in.
Ak kong'em Kamuktaindet ne Toroor kowong' ng'elyeptap nyanjetap Misiri; ak kotwaitwai eunnyi kotokyi aineet eng' usoonennyi ne peelsei, ak kobir kobiitune ainoosyek tisabu, ak kogoochi piik kolanda kolaagoti kweonik.