Mbûee îgaatua gûkaranagia amwe na kang'ondu nayo nkarî îgaatua kûmamaga amwe na kabûri. Njaû cia ng'ombe na biana bia ngatûnyi bikaarîîjaga amwe na ngatûnyi, na twaana tûnyi nîtu tûkaabitongagîîria.
Îgiita rîu rîakinya, MWATHANI agaatambûrûkia njara yaawe o kaîrî oothûranie antû baawe barîa bakeethîrwa batigeere nthîgûrû ya Asîria, na ya Misri, na ya Pathirosi, na ya Ethiopia, na ya Edomu, na ya Shinari, na ya Hamathi, na nthîgûrû irîa irigeenie na îria.
Îndî antû ba Juda na ba Efuraimu bakaagwatanîra baithûkîre Afilisti bwa rûgûrû; ningî bagaataa antû ba bwa gaiti. Bakaaithûkîra Edomu na Moabu, nabo Aamoni bakaabaathîkîra.
Tontû bûû, MWATHANI akaathithîria matigari ja antû baawe njîra îmbariî ya kuuma nayo nthîgûrû ya Asîria, o ta ûrîa aathithîîrie Aisraeli rîrîa baaumaga nthîgûrû ya Misri.