×

NTETO INJEGA CIA 2018

Isaya 12

1
Îgiita rîu rîakinya, antû bakaainaga bakiugaga atîrî, “Nî ngûgûkumia MWATHANI; nîûntû kinya këethîra gwe nî waathûûri nî ni, mûthûûro jwaaku nîjwathirîre, na nandî nî ûmbooreretie.
2
Atîrî, Mûrungu nîwe wonokio bwaakwa; naani nkaamwîtîkia, na ntîkîra. Nîkwîthîrwa MWATHANI Mûrungu nîwe inya yaakwa na kûgwîrua gwaakwa, na akwaa mwonokia waakwa.”
3
O ta ûrîa antû bagwîragîrua kîthima kîa rûûjî, no u bakaagwîragîrua wonokio bwa MWATHANI.
4
Îgiita rîu rîakinya, antû bakaainaga bakiugaga atîrî, “Cokerieni MWATHANI nkaatho na bûmûthaathayie. Menyithieni mîgongo yonthe mantû jarîa athithîtie na bûtûmîîrie atî MWATHANI nî ûmûnene.
5
Inîreni MWATHANI ndwîmbo cia kûmukumia, nîûntû nî athithîtie mantû jakûrigaria; menyithieni nthîgûrû yonthe ûrîa athithîtie.
6
Gwîrueni na bûkûngûîre buî atûûri ba Zaiûni, nîûntû Ûrîa Mûtheru wa Israeli nî ûmûnene gatîgatîîne keenu.”
Songe Bible 2018
KIMERU BIBLE WITH DC Bible Society of Kenya, 2009, 2018
:
Save Notes