Aw k'aw tulo malɔ mankan na kuluw kan, a bɔnin be jamaba mankan fɛ dɛ! A y'aw tulo malɔ masaw ka mɔgɔw mankan na, siyaw be ɲɔgɔn lajɛnna. Masaba, Setigi b'a ka kɛlɛdenw lajɛn na k'u filɛ, minw bena taga kɛlɛ la.
Masaba ka loon setɔ filɛ nin ye, lonjugu, a ka fariya loon, a ka dimi b'a daan na loon min. A bena jamana kɛ yɔrɔlakolon ye k'a kɔnɔ kojugukɛlaw halaki.
Masaba ko: «Ne bena diɲɛ mɔgɔw ɲaa gwan u ka juguya kosɔn, ka mɔgɔjuguw ɲaa gwan u ka kojuguw kosɔn. Ne bena yɛrɛboɲalaw ni cɛfariw ka yɛrɛboɲa daa faga.
U be minan min gwɛnna, ale be boli cogo min na, dɛndɛbaga te saga minw na, olu be cogo min na, bɛɛ bena boli k'u ka siya yɔrɔ ɲini ten. Bɛɛ bena girin k'a faso sɛgɛrɛ.