×

أَتَّوْرَتْ دَ أَنَّبَاوَا 2020

Ishaya 17

1
غَا سَڧُواْ غَمٜىٰدَ دِمَشْڧُ؞ «غَاشِ، دِمَشْڧُ ذَاتَ ثَنْجَ دَغَ ذَمَنْ بِرْنِ ذُوَا كُڢَيْ؞
2
غَرُضُوً سُورِيَ ذَاسُ ذَمَ كُڢَيْ، سُذَمَ وُرَارٜىٰنْ دَ تُمَكِ ذَاسُ ݣُونْتَ بَاتَرٜىٰدَ وَنِ يَدَامٜىٰسُبَ؞
3
وُرَرٜىٰنْ كَتَنْ‌غَ نَ إِسْرَٰٓءِيلَ ذَاسُ ٻَثٜىٰ، مُلْكٍ دِمَشْڧُ كُمَ ذَيْ ڧَارٜىٰ؞ ذَاعَڧَسْڧَنْتَرْ دَ ضَغُواْوَرْ سُورِيَ، كَمَرْ يَدَّ ذَاعَ ڧَسْڧَنْتَرْ دَ طَوْكَكَرْ إِسْرَٰٓءِيلَ؞ نِے يَهْوٜىٰهْ مَيْ ضُنْدُنَا نَا ڢَطَا؞
4
«أَ رَانَرْ نَنْ طَوْكَكَرْ إِسْرَٰٓءِيلَ ذَاتَ ڧَارٜىٰ، تَلَوْثِ ذَيْ تُمْٻُكٜىٰ أَرْزِڧِنْتَ؞
5
إِسْرَٰٓءِيلَ ذَاتَ ذَمَ كَمَرْ غُواْنَرْ حَڟِنْ دَ عَكَ غِرْبٜىٰ، كَمَرْ غُواْنَرْ دَ عَكَيِ كَالَنْتَ حَرْ سَيْ دَ بَابُ كُواْمٜىٰ عَثِكِنْتَ، كَمَرْ أَ ݣُورِنْ رٜىٰڢَيَاوَا؞
6
كَطَنْ نٜىٰ نَ إِسْرَٰٓءِيلَاوَا ذَاعَ بَرِ كَمَرْ ضَغُواْوَرْ یَیَ بِيُ كُواْ عُكُ نَیَیَنْ إِتَاثٜىٰنْ ظَيْتُنْ دَ عَكَ كَكَّٻٜىٰ، كَمَرْ ضَغُواْوَرْ حُطُ كُواْ بِيَرْ أَ رَسَّ مَڢِے نٜىٰسَ نَ إِتَاثٜىٰ مَيْ بَادَ یَیَ؞ نِے يَهْوٜىٰهْ اللَّهْ نَ إِسْرَٰٓءِيلَ نَا ڢَطَا؞»
7
أَ رَانَرْ نَنْ یَنْ أَدَمْ ذَاسُ جُويُواْ غَ مَحَلِثِّنْسُ، عِدَنُونْسُ سُنَ عَكَنْ مَيْ ڟَرْكِنَّنْ نَ إِسْرَٰٓءِيلَ؞
8
بَذَاسُ سَاكٜىٰ سَا عِدُواْ غَ بَغَدَنْسُ، عَيْكِنْ حَنُّوَنْسُبَ؞ بَذَاسُ سَاكٜىٰ ظُبَ عِدُواْ غَ عَيْكِنْ حَنُّوَنْسُ، غُنْكِنَّنْ أَشٜىٰرَ كُواْ بَغَدَنْ ڧُواْنَ تُرَارٜىٰبَ؞
9
أَ رَانَرْ نَنْ، مَنْيَنْ بِرَنٜىٰنْسُ مَاسُ كَتَنْ‌غَ ذَاسُ ذَمَ كُڢَيْ كَمَرْ يَدَّ بِرَنٜىٰنْ هِوِيَاوَا دَ أَمُواْرِيَاوَا سُكَ ذَمَ كُڢَيْ، سَعَدَّ مُتَنٜىٰنْ سُكَ غُدُ أَ لُواْكَثِنْ دَ إِسْرَٰٓءِيلَاوَا سُكٜىٰ شِغُواْوَ يَنْكِنْسُ؞
10
غَمَا يَا إِسْرَٰٓءِيلَ، كِنْ مَنْتَادَ اللَّهْ ، اللَّهْ مَيْ ثٜىٰتُوانْكِ، بَاكِ تُنَ دَ دُوڟٜىٰ، دُوڟٜىٰنْ ٻُيَنْكِبَ؞ شِيَسَا كُواْ كِنْ دَسَ عِتَتُوَ مَڢِے ݣَوْ دُوانْ سُجَّدَ غَ وَنِ اللَّهْ،
11
كُواْ دَ سُنْيِ غِرْمَ أَ سَاڢِيَرْ دَ عَكَ دَسَ، وَشٜىٰغَرِ كُمَ سُكَ ڢِتَرْدَ ڢُلَوَ، عَمَّا دُكْدَهَكَ بَذَاكِ غِرْبٜىٰ كُواْمٜىٰبَ؞ غِرْبِنْكِ شِينٜىٰ بَڧِنْ ثِكِ دَ ذَاڢِنْ ثِيوُاْ مَرَرْ وَرْكٜىٰوَ؞
12
جِ هَيَانِيَرْ ڧَبِيلُ مَاسُيَوَ، سُنَ هَيَانِيَرْ كَمَرْ نَرَاڧُمَنْ ضُوَ! جِ رُورِنْ أَلْعُمَّيْ، سُنَ رُورِ كَمَرْ رُورِنْ رَاڧُمَنْ ضُوَيٜىٰ!
13
كُواْدَيَكٜىٰ أَلْعُمَّيْ سُنَ رُورِ سُنَ رُورِ كَمَرْ رُورِنْ ضُوَيٜىٰ مَاسُيَوَ، عَمَّا اللَّهْ ذَيْ ڟَاوَتَا مُسُ سُٻَثٜىٰ؞ كَمَرْ دُوسَرْ دَ إِسْكَ تَكٜىٰ هُورَاوَ عَكَنْ تُدَّيْ كُواْ ڧُورَرْ غُوغُوَ عَ إِسْكَ مَيْ ڧَرْڢِے، حَكَ ذَاسُ ٻَثٜىٰ؞
14
دَ يَمَّ سَيْغَا بَرَظَنَ، عَمَّا كَاڢِنْ سَاڢِيَ تَيِ، سَيْ سُٻَثٜىٰ؞ حَكَنٜىٰ ڧَرْشٜىٰنْ مَاسُ ڨُوثٜىٰ كَايَنْمُ، رَبُوانْ مَاسُ ݣُوشٜىٰ أَرْزِڧِنْ ڧَسَرْمُ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula