×

Ñanderuete Ñe’ẽ Porã 2015

18

1
Cháke, pe tetã hyapúva ipepópe ha opytáva Etiopía ysyrykuéra mboypýri;
2
omondóva hembijokuaikuérape yguasu rupi, ha oiporúva bárco, ojejapova’ekue papírogui. Tapeho peẽ tembijokuái iñakuãva, pene retãygua ijyvate ha ipire mimbipáva, opaite ambue tetã okyhyje pendehegui, pene retãygua imbarete ha ipu’akágui ambuekuéra rehe; pene retãpýpe oĩ ysyryeta.
3
Peẽ peikóva guive yvy apére, pema’ẽ porãke, opu’ã ramo poyviveve cerrorusu ári, ha pejapysaka porãke oñembopu jave pe turu.
4
Ñanderuete voi he’i chéve péicha: Che ama’ẽta kirirĩháme hesekuéra che guapyhaguasúgui, ku kuarahy hesakã porãváicha, ku arai ysapyguiguáicha, oñemono’õ kyre’ỹ aja umi ñemitỹnguéra.
5
Heñói ha ipoty rire, hi’ajupa mboyve katu ou hikuái oikytĩ hag̃ua hakãnguéra ha upéi omombopa.
6
Ha ojehejapáta umi guyra cérro pegua ha umi mymba saitépe g̃uarã, upépe guyrakuéra ohasáta pe arahaku aja ha umi mymba ñarõ ohasáta pe araro’y aja pukukue.
7
Upe ára upévape umi tetãygua ijyvate ha ipire omimbíva oguerúta ikuave’ẽmby, yvága atykuéra Járape g̃uarã. Ambue tetã okyhyje ichuguikuéra imbarete ha ombopoguy haguérehe hetápe, ijyvýpe ohasa ysyryeta, ha’ekuéra katu og̃uahẽ omomba’eguasu hag̃ua yvága atykuéra Járape, Sion cérrope.
Guarani Bible 2015
Ñanderuete Ñe’ẽ Porã MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015
:
Guardar notas