WẼNNAAM SEBRE 2014
|
| 1 |
| Toog bee tẽng ning sẽn be Kuus kʋɩlgã rʋʋnd tɩ b wʋmd bõn-yɩgdɩ wã pɩgs rãamdã zugu! |
| 2 |
| Fo sẽn tʋmd neb tɩ b kẽnd ne koom kogend sẽn maan ne tãnwĩis n pɩʋʋgd ko-kãsengã! Koe-toagsdb sẽn tʋʋle, kẽng-y buud nins neb sẽn yaa nin-wogd n tar da-sãndã nengẽ, kẽng-y neb nins b sẽn yɛɛsd hal b sɩngr wakatã nengẽ, bãmb yaa buud sẽn tar pãng n tõe n sãam fãa, la b tẽngã pɩʋʋma ne kʋɩlse. |
| 3 |
| Yãmb fãa sẽn be dũni zugu, yãmb dãmb sẽn be tẽng zugu, b sã n wa tilg tãb-kaoorã tãngã zugu, yãmb na n yãame. La b sã n wa peeb baorgã, yãmb na n wʋmame. |
| 4 |
| Bala, ade, Sẽn-Ka-Saab yeela maam yaa: «Mam bee m sẽn beẽ wã ne bãan n getẽ, mam yasa kɛpɩ wa wĩntoog sẽn tãoosd a vẽenemã, la wa sawaodg sẽn sikd meenem tigsg wakatã. |
| 5 |
| Dẽ, sẽn deng bõn-koaadl tigsgu, reezẽ tɩɩsã sã n wa ning puud n sɛ, puudã sã n lebg biis n mooge, b na n yosa reezẽ tɩɩsã wil-poalã ne goeto, la b yãgs-ba, n yolem tobendã. |
| 6 |
| B na n basa b fãa n kõ tãms zut yɩbrendo, ne we-rũms sẽn be tẽng zugu. Sẽoogo, beenẽ na n yɩɩ yɩbrend zĩiga, la waood wẽnde, we-rũmsã fãa na n wa zĩnda be.» |
| 7 |
| Wakat-kãnga, buud neb sẽn yaa nin-wogd n tar da-sãnde, neb b sẽn yɛɛsd hal b sɩngr wakate, buud sẽn tar pãng n tõe n sãam fãa, tɩ b tẽngã pɩʋʋm ne kʋɩlsã, na n waa ne kũun n wa kõ Saasẽ-Pãng-Soabã. B na n talla kũun-kãens n kẽng zĩig ning Saasẽ-Pãng-Soaba yʋʋrã sẽn beẽ wã, Sɩyõ tãngã zugu. |
| Save Notes |
https://beblia.bible:81/BibleAudio/mossi2014/isaiah/018.mp3
66
18