Kä cu Kuoth Nhial wee ɣän, bä ji̱ I-jëp jak kä nyiëëny kä rɔ̱, kä bi ram ɔ nyiëëny kɛ däman, kä bi ram ɔ nyiëëny kɛ gua̱n thieekädɛ, kä bi wec ɔ nyiëëny kɛ wec ɔ, kä bi kuäär ɔ nyiëëny kɛ kuäär ɔ.
Ɛn cäŋ ɛmɔ bi wi̱i̱ da̱ŋ dhieec kä I-jëp ruac kɛ thok ji̱ Kɛ-naan, kä bikɛ rɔ̱ yac kɛ ciöt Kuɔth Nhial in la Ruey Ɣɔaa. Kä ba wec kɛl thi̱n cɔli Wec Ca̱ŋ.
Kä bɛ la nyuuth kɛ kui̱ Kuɔth Nhial in la Ruey Ɣɔaa muun I-jëp. Mi wäkɛ Kuoth Nhial thiec kɛ luäk kɛ kui̱ gua̱n tɛ̈riɛn, bɛ kɛ jäkä kään mi bikɛ gaŋ kä bikɛ luäk.
Bi Kuoth Nhial rɔ jak kä ŋa̱ckɛ ɛ ji̱ I-jëp, kä bikɛ Kuoth Nhial ŋa̱c ɛn cäŋ ɛmɔ. Bikɛ Kuoth Nhial thöp luuri kɛ muc tin waŋkɛ, kä bikɛ rɔ̱ yac kɛ ti ba thöp Kuoth Nhial ti ba la̱t.
Ɛn cäŋ ɛmɔ bɛ tekɛ duɔ̱ɔ̱p mi di̱i̱t mi jiɛy kä I-jëp wëë kä A-thi-ri-ya, bi ji̱ A-thi-ri-ya wä kä I-jëp, kä bi ji̱ I-jëp wä kä A-thi-ri-ya, kä bi ji̱ I-jëp kɛnɛ ji̱ A-thi-ri-ya Kuoth pal kɛɛl.