ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.
Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”
Ruoth Nyasaye osejwang’ou nikech uyie gi jo yo wuok chieng’ ma dhi ajuoga, kendo mawuoyo gi jochiende mana ka jo-Filistia. Bende jopinje mamoko yudore kamoro amora e pinyu.
Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.