Ika Bible 2018
|
| 1 |
| Ahụa hụ onyẹ-isi kịchanrịn ndị-agha Asiria hụn Sagọnụ eze Asiria zi gi bịa Ash'dọdụ, lụsọn ẹ agha, weri ẹ, kịma — |
| 2 |
| Osolobuẹ gi Azaya nwa Emọzụ ku oku. Ọ sị Azaya, “Gbụpụ ẹkwa-achọ i gi a kwannị alịnị ẹkwan lẹ akpụkụ ị.” Azaya nọ mẹ ẹrịra — gi ụkụ mmaka e jẹnhunmẹ, ya lẹ ọtọ. |
| 3 |
| Ya kẹ Osolobuẹ nọ sị, “Kẹ odibo m wụ Azaya dọn gi ụkụ mmaka e jẹnhunmẹ, ya lẹ ọtọ — ọrọgbọ ahụa ẹtọ, gi ghọsị ihiẹn k'e mẹ Ijiptu lẹ Ẹtiopịa, |
| 4 |
| ẹrịra kẹ eze Asiria k'a dọn gbarị ndị Ijiptu lẹ ndị Ẹtiopịa ọtọ, duru wẹ lẹ ụkụ mmaka d'e họnrin igbọn; ikẹn wẹ ile k'a rị oghe — kẹ ikoro kẹ ndị-ichẹn, nị ifẹnrẹn hụn ụzọ mẹgbu ndị Ijiptu, |
| 5 |
| egun lẹ ifẹnrẹn a wụrụ nke ndị gi Ẹtiopịa e dọn ẹnya lẹ ndị gi Ijiptu a nyan isi. |
| 6 |
| Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ” |
| Save Notes |
https://beblia.bible:81/BibleAudio/ika/isaiah/020.mp3
66
20