A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.
Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.
En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.
Edom gam tawh kisai thu: Seir mual tung panin khat in kei hong sam a, “Gal vilpa aw, tu zan bangci hiam? Gal vilpa aw, tu zan bangci hiam?” hong ci hi.