Aywak nikech Ruoth Nyasaye Manyalo Gik Moko Duto oseketo chieng’ lweny gi koko kod masira. Nomuk ohinga e holo mar fweny, kendo ji nokogi ewi gode, kadwaro kony.
bende unukuny yawo e kind ohinga ma oko kod ohinga maiye mondo pi Soko Machon odonjie. To kata kamano ok nupar Jachuech gik moko duto, kata dewo Jal mane oseloso gigo duto chon, ok nudew.
To Ruoth Nyasaye Manyalo Gik Moko Duto osebirona e fweny, mi awinjo ka okuong’ore ni, richou ok nopwodhi nyaka chop thou. Mano e wach Ruoth Nyasaye Manyalo Gik Moko Duto!
‘Ere gima itimo ka, koso ere wadu man ka, momiyo isekunyo bur mibiro yikie kae? Chutho, ang’o momiyo ikunyo bur malo e lwanda, mondo obed liel ma ringri biro yueyoe?
To an, Ruoth Nyasaye Manyalo Gik Moko Duto, amedo wacho ni, chieng’no musmal mane ogur motegnono nopudh oko. Adier, nong’ade mi olwar, kendo gik moko duto mayande olier kuome nokethi. An Ruoth Nyasaye ema awacho kamano.”