Poroka katar o Tiro. Kukin llimie katar o Tarsis soke zatrime si o Tiro ta ni achel ni iek cher te de andre, gaia poroka likisti katar e phuv katar o Kitim.
¿Ko phenda gava katar o Tiro, kai saia e charonengi, ta kai lako rado cherenale e charura, ta chinena ta bichinena lake e mai glamne llene katar e phuv?
Dik e phuv katar e Kadeura. Gava foro ni saia omanglal, e Asiria cherda la e llenenge kai zivina po pusto. Vazdie pe zidura, cherde pe chera, vou cherda te achel zatrime.
Ande gola llivesa ka avelpe kai o Tiro ka avel bristardo eftavardes burs, so zivil iek charo. Mapalal katar e eftavardes burs o Tiro ka llilabel iek llili kurvichkaki.
Ta kana ka nakhen e eftavardes burs o Del ka avel kai o Tiro, ta pale ka chinel ta ka bichinel, ta pale ka cherel o kurvaluko sa e phuvienchar kai si pe phuv.
A lengo rado ta sa so ka dobin ka avel dino e Devleke, ni ka guruven le ta ni ka phanden le, soke lako chari ka avel golenge kai sea angla o Del, te jan ta te chalion, ta te furiadon ande glamne patave.