|
| 1 |
|
| Bûbû nî ûroria bwegiî Tiro. Rîreni mono buî eetithia ba meri cia Tarishishi! Nîkwîthîrwa Tiro nî îmbînyangie buru; gûtî kanyomba gatigeere, na kinya mpwîro cia îria nî inthûûkangîtue! Nîcio nteto ikûbatûnga beejîte kuuma nthî ya Saiprasi. |
|
| 2 |
|
| Kireni buî bûtûûraga nteere cia îria; kireni buî aringi biashara ba Sidoni. Eetithia beenu ba meri nîbo batûmîte bûtonga. |
|
| 3 |
|
| Bagiitanagia îria bageeta mwanka Misri îgiita rîa maketha, bakabûreetera irio bia miuunda ya Naili, naabuî bûkeenderia mîgongo îngî. |
|
| 4 |
|
| Igua nthoni gwe ntûûra ya Sidoni nîûntû îria nî rîarîîtie; Îria rîrîa rîorokeru buru nî rîarîîtie rîkauga atîrî, “Gûtî rîo ndeethîrwa ndî na îu kana nciara mwana; ntaarera kaîjî kana kaarî.” |
|
| 5 |
|
| Kinya antû ba Misri nî bamakîte; nî bamakîte baigua ûrîa Tiro îthithîrîtue. |
|
| 6 |
|
| Rîreni mono buî bûtûûraga nteere cia îria; îteeni bûgacûe gîkaro Tarishishi. |
|
| 7 |
|
| No ntûûra îrîa yeenu ya ikeno îîjî, îrîa îtwîre o kuuma karaaja? Nooyo îrîa îtwîre yumaga antû bageeta kwigwatîra nthî cia kûraaja? |
|
| 8 |
|
| Nûû ûrabangîîre Tiro mantû jaja Tiro îrîa îtwîre yaandaga moonene gûntû kûu kûngî; îrîa aringi biashara baao batwîre baeetwe gîtîîo ta kîa anene kunthe nthîgûrûûne! |
|
| 9 |
|
| MWATHANI Mûrungu Mweneinya nîwe wendeete mantû jaja jakarîka, nîkenda athiria rwikumio rwa barîa baikumîtie, na akinyanga îgweta rîa barîa barî îgweta nthîgûrûûne. |
|
| 10 |
|
| Taambeni bûûjûre nthîgûrû yeenu buî atûûri ba Tarishishi, ta ûrîa rûûjî rwa Naili ruunûkaga rûkoojûra Misri. Gûtî we ûgaakûgiria kaîrî. |
|
| 11 |
|
| MWATHANI nî ookîîrîtie njara yaawe îgûrû rîa îria, na ainainia moonene. Nî aritîte Waatho auga atî ntûûra cia Kanaani irîa mbirigîre cimomorangwe. |
|
| 12 |
|
| Augîîte atîrî, “Bûrî babathiru inya buru buî atûûri ba Sidoni na bûtîkoroona gîkeno kaîrî. Kinya bûgeeta gûcwaa gîkaro nthîgûrû ya Saiprasi, bûtîona thîîri kinya ku.” |
|
| 13 |
|
| Atîrî, tî antû ba Asîria; nî Ababiloni. Nî Ababiloni batûmîte Tiro yaa gîtûûro kîa nyamû cia kîthaka. Nîbo baamîcîgîrîîrie, baramomoranga nthingo ciaayo, baraîîthia ikaro bia anene, bareenyangia ntûûra buru. |
|
| 14 |
|
| Rîreni mono buî eetithia ba meri cia Tarishishi, nîkwîthîrwa giiciitho kîeenu nî gîkîthûkangie buru. |
|
| 15 |
|
| Îgiita rîgaakinya rîrîa Tiro îkoorîria îthirie mîaka mîrongo mûgwanja ta îrîa anene batûûraga mwoyo. Mîaka mîrongo mûgwanja yathira, gûgaakarîka kûu Tiro mantû ta jarîa jainagwa rwîmboone rwa mûka-mûmaraya: |
|
| 16 |
|
| “Jûkia kînanda kîa ndigi, ûthiûrûke ntûûra yonthe, gwe mûmaraya ûûrîrîtie! Ringa kînanda bwega, na wine ndwîmbo inyiingî nîkenda ûririkanwa.” |
|
| 17 |
|
| Nyuma ya mîaka mîrongo mûgwanja, MWATHANI akaaririkana Tiro, nayo yambîîrie kûringa biashara kaîrî na antû ba mîgongo yonthe ya nthîgûrû. |
|
| 18 |
|
| Îndî ûtonga bûrîa bûkaumanagia na biashara ciaao bûtîtua gwîkagwa bûrî mûthithû. Bûkaathûragîrwa MWATHANI nîkenda barîa batuungatagîra MWATHANI boonaga irio bia kûng'ana na nguû inthongi cia gwîkîra kuumania nabu |
|
|
|
|