Yell ning sẽn na n paam maan-kʋʋdã na n paama nin-zaalga. Yell ning sẽn na n paam zu-soabã na n paama yamba. Yell ning sẽn na n paam zu-soben-poakã na n paama yem-poaka. Yell ning sẽn na n paam koaasdã na n pama raada. Yell ning sẽn na n paam sẽn kõt-a samdã na n paama sam-soaba. Yell ning sẽn na n paam sẽn tar-b n pengdẽ wã na n paama sẽn tog n yao-a wã.
Rẽ n kɩte, tɩ kãab-wẽngã sãamd tẽngã, la tẽngã nebã tog n paama sɩbgre. Bõn-kãng n kɩt tɩ bugum dɩ tẽngã nebã, la sẽn kell-bã sõor ka leb n yaa wʋsg ye.
Sẽn zoet-a n na n põs pelen-yɩkã, a na n lʋɩɩ bokã pʋga, la sẽn be-a bokã pʋg n dat n yi wã, gãmbrã n na n yõk-a. Bala, saasẽ kʋɩlems pakame, la dũniyã yẽbgr rigimdame.
Kiuugã na n paama paoogre, wĩndgã me na n paama yãnde. Bala, Saasẽ-Pãng-Soabã n yaa rĩm Sɩyõ tãngã zug Zeruzalɛm, la b ziirã pukda bãmb kãsem dãmbã taoore.