×

أَتَّوْرَتْ دَ أَنَّبَاوَا 2020

Ishaya 26

1
أَ رَانَرْ نَنْ، ذَاعَيِ وَنَّنْ وَاڧَا عَڧَسَرْ يَهُودَ عَثٜىٰ، مُنَدَ بِرْنِ مَيْ ڧَرْڢِے، اللَّهْ يَكَڢَ ثٜىٰتُواْ يَذَمَ كَتَنْ‌غَرْسَ دَ بَنْ‌غُوانْسَ؞
2
كُبُوطٜىٰ ڧُواْڢُواْڢِنْ، دُواْمِنْ أَلْعُمَّ مَيْ أَدَلْثِے تَشِغَ ثِكِ، أَلْعُمَّ مَيْ أَمِنْثِ؞
3
غَ وَنْدَ يَكَڢَ حَنْكَلِنْسَ عَكَنْكَ، كَكَنْ بَادَ ثِكَكِّيَرْ سَلَمَ؞ كَكَنْ بَاشِ سَلَمَ غَمَا يَنَ دُواْغَضَ أَغَرٜىٰكَ؞
4
كُدُواْغَرَ غَ يَهْوٜىٰهْ حَرْ أَبَدَا، غَمَا يَهْوٜىٰهْ دُوڟٜىٰنْ ٻُيَنْمُ نَهَرْ أَبَدَا نٜىٰ؞
5
يَهْوٜىٰهْ يَا ڧَسْڧَنْتَرْدَ مَاسُ طَغَ كَيْ، يَا سَوْكَرْ دَ بِرْنِ مَيْ غِرْمَنْ كَيْ ڧَسَا؞ يَرُشٜىٰشِ حَرْ ڧَسَا، يَظُبَرْ دَشِ عَثِكِنْ ڧُورَا؞
6
ذَا أَتَتَّكَ بِرْنِنْدَ ڧَڢَا، ڧَڢَاڢُنْ مَتَلَوْتَ دَ ڧَڢَاڢُنْ مَرَسَ ڧَرْڢِے؞
7
حَنْيَرْ مَاسُ أَدَلْثِے تَمِيڧٜىٰ دَيْدَيْ، كَمَيْدَ حَنْيَرْ مَاسُ أَدَلْثِے تَيِ سُمُلْ؞
8
عِ، يَهْوٜىٰهْ ، مُنَ بِنْ عُمَرْنَنْكَ يَايِنْ دَمُكٜىٰ سَا ذُوثِيَا عَكَنْكَ؞ سُونَنْكَ دَ تُنَاوَا دَ سُونَنْكَ سُونٜىٰ مَرْمَرِنْ ذُوثِيَارْمُ؞
9
رَيْنَ يَنَ مَرْمَرِنْكَ دَدَرٜىٰ، دَ سَڢٜىٰ ذُوثِيَاتَ تَنَ نٜىٰمَنْكَ أَيْنُنْ؞ غَمَا سَعَدَّ كَيِ وَدُونِيَا شَرِيعَ، مَذَوْنَنْ دُونِيَا ذَاسُ كُواْيِ يِنْ أَدَلْثِے؞
10
كُواْ دَ أَنُّونَ وَ مُوغُ أَلْحٜىٰرِ، بَايَ كُواْيُوانْ يِنْ أَدَلْثِے؞ كُواْ عَڧَسَا مَيْ أَدَلْثِے، يَكَنْيِ تَعَيْكَتَ مُغُنْتَا، بَايَ كُوَ غَنِنْ دَرَجَرْ يَهْوٜىٰهْ ؞
11
يَا يَهْوٜىٰهْ ، حَنُّنْكَ يَنَ مِيڧٜىٰ أَ سَمَ، عَمَّا بَسُ غَنِبَ؞ بَرِ كَسَا سُغَ ڨُوظُوانْكَ غَ جَمَعَرْكَ، سُجِ كُنْيَا؞ بَرِ وُتَرْ دَ عَكَ شِرْيَ وَمَاسُ ڧِنْكَ تَثِنْيٜىٰسُ؞
12
يَا يَهْوٜىٰهْ ، ذَاكَ كَڢَ مَنَ ذَمَنْ لَاڢِيَ؞ حَڧِيڧَ، دُكْ أَبِنْدَ مُكَ عِيَيِ، كَيْنٜىٰ كَيِ مَنَ؞
13
يَا يَهْوٜىٰهْ اللَّهْ نْمُ، بَنْدَكَيْ، وَطَنْسُ سُنْيِ مُلْكِ عَكَنْمُ، عَمَّا غَ سُونَنْكَ نٜىٰ كَطَيْ مُكَنْيِ كِرَا؞
14
يَنْذُ سُنْ مُتُ، بَاسُ دَ رَيْ كُمَ، مَتَتُّو نٜىٰ سُو، بَذَاسُ سَاكٜىٰ تَاشِبَ؞ غَمَا كَا حُكُنْتَسُ، كَكَوَرْ دَسُو، كَسَا بَاوَنْدَ يَكٜىٰ تُنَاوَا دَسُو؞
15
يَا يَهْوٜىٰهْ ، كَيْ كَا ڧَارَ غِرْمَنْ أَلْعُمَّرْمُ، عِ، كَا ڧَارَ غِرْمَنْ أَلْعُمَّرْمُ، كَيْ كَا ڧَارَ ڢَاطِنْ إِيَاكَرْ ڧَسَرْمُ؞ وَنَّنْ كُوَ يَسَا أَنَ غِرْمَمَكَ؞
16
يَا يَهْوٜىٰهْ ، ثِكِنْ عَذَابَ جَمَعَرْكَ سُكَ نٜىٰمٜىٰكَ؞ سَبُواْدَ ڟَنَنِنْ عَذَابَرْ دَسُكٜىٰ ثِكِ، يَذَمَ مُسُ دَ وَهَلَ سُيِ أَدُّعَ؞
17
يَا يَهْوٜىٰهْ ، سَبُواْدَ عَذَابَرْ نَنْ دَغَ وُرِنْكَ، مُكَ كَسَنْثٜىٰ كَمَرْ مَثٜىٰ مَيْ نَڧُدَ، وَدَّ تَكٜىٰ كُوكَا دَ ثِظُوانْ بَاكِ، لُواْكَثِنْ حَيْڢُوَ؞
18
مُنْيِ ثِكِ مُنْيِ نَڧُدَ، عَمَّا بَا أَبِنْدَ مُكَ حَيْڢَ، سَيْ إِسْكَ؞ بَمُ حَيْڢَرْ دَ ثٜىٰتُواْ غَ ڧَسَرْمُبَ، مَذَوْنَنْ دُونِيَا بَسُ ڢَاطِ أَغَبَنْمُبَ؞
19
إِنْجِ يَهْوٜىٰهْ ، «مُتَنٜىٰنْكُ دَ سُكَ مُتُ ذَاسُ رَايُ، غَوَوَّكِنْسُ ذَاسُ تَاشِ! يَا كُو مَاسُ ذَمَ عَڧُورَا، كُتَاشِ كُيِ وَاڧُواْڧِنْ ڢَضٍ ثِكِ! يَدَّ رَٻَ تَكَنْ سَابُنْتَا ڢُسْكَرْ ڧَسَا، حَكَ، نِے يَهْوٜىٰهْ ذَنْ رَايَرْ دَ وَطَنْدَ سُكَ مُتُ؞
20
يَا جَمَعَتَ، كُتَڢِے كُشِغَ طَكُنَنْكُ، كُرُڢٜىٰ ڧُواْڢُواْڢِنْكُ كُٻُواْيٜىٰ كَنْكُ، سَيْ ڢُشِنَ يَوُثٜىٰ؞
21
غَاشِ، نِے يَهْوٜىٰهْ إِنَ ڢِتُواْوَ دَغَ وُرِنْ ذَمَنَ، دُواْمِنْ إِنْ حُكُنْتَ مَذَوْنَنْ دُونِيَا سَبُواْدَ مُغُنْتَارْسُ؞ عِ، ڧَسَا ذَاتَ بُوطٜىٰ أَسِيرِنْ جِنِ، جِنِنْ دَ عَكَ ظُبَرْ عَكَنْتَ، بَذَاتَ ڧَارَ رُڢٜىٰ وَطَنْدَ عَكَ كَشٜىٰبَ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula