×

Biblia Ande Chib Romani 2018

Isaiah 26

1
Ande gua llive ka llilaben gaia llili ando Juda: Si amen iek foro zuralo, pala o braduipe o Del thoda zido pala o zido.
2
Putaren e udara, ta ka del o foro chacho, kai arakhel o chachipe.
3
Tu ka guruve ande pas gole kai mislilpe sa o vreme ande tute, soke uzdisailo ande tute.
4
Uzdintumen ando Del ostade, soke ando Del si e zor a bursenge.
5
Soke perada golen kai zivina ando than glamno, mukla ando lallao e foro kai saia blagosime, mukla le ando lallao chudino pe phuv perada le llik kai o prajo.
6
Ka avel ustadino, ka ustaven le e chorre ta e estope golenge kai inai le niko.
7
O drom katar o chacho si orta, tu kai san orta orto leke o drom.
8
Ta i po drom katar che krisa Devla adurichardam, te na bristara amen tutar ta katar cho anav si so zelil amari lio.
9
Mo lio zelila tut orachaia, ta sogo ziviva, ka rodav tut kana pharron e zore, soke kana si cherdon che krisa pe phuv, e llene pe gava sueto sikon o chachipe.
10
Ka avel zao pala o bilacho, ta ni ka sikol o chachipe, ande phuv e chachi ka cherel o bilachipe ta ni ka dikhel po baripe e Devleko.
11
Devla, cho va si vazdini a von ni dikhen, mapalal ka dikhen ta ka avel lallao golenge kai murzin pe cho foro, ta e iag ka phabarel che dusmanonen.
12
Devla, tu ka de amen pas, soke tu chere sa e ezgode kai amen chera.
13
Devla amaro Gazda, aver gazda vazdinaile pe amende a samo tutar ka manga.
14
Von mule, ni ka zivin, inai len zivoto, ni ka usten katar o meripe, soke dukhadan len ta zatrisardan len ta biladan len sa lengo mislo.
15
Bariardan e foro Devla, bariardan e foro, pherdilan blagosipe, buliardan sa e phuv.
16
Devla, ande nuzda rodie tut molisaile chuke sa pe liea kana dukhadan len.
17
Sargo e diskinia khamni kana avel o vreme te maladol lake ta urkil katar e duk, isto gia sam angla tu Devla.
18
Sam khamne ta dukhal amen a ni maladoilo amenge niso, ta ni andam pe phuv braduipe ta ni ka maladon llene te zivin ando foro.
19
Ka zivin pale gola kai mule chuke, lenge esnage ka usten katar o meripe. ¡Usten ta llilaben, gola kai zivin ando prajo! soke o pai kai perel pe tumende si sargo kana delpeke upral po zelenipe ta e phuv ka del mulen kai si la.
20
Lla foro murno, de ande che chera ta phande pala tu che udara, gurudo cherricha, iek vreme minono, samo te nakhel e joli.
21
Soke o Del likel katar po than te dukhavel e llenen kai zivin pe phuv pala o bilachipe kai cheren leke, ta e phuv ka sikavel o rat kai chordilo pe late, ta ni ka ucharel ios e mulen kai si la.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes