Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.
So, na bay dat dɛn go pe fɔ Jekɔb in sin, ɛn na dis go bi di faynal tin we go pul in sin; wɛn i mek ɔl di ston dɛn na di ɔlta dɛn tan lɛk chɔk we dɛn gren to pawda, nɔn Ashɛrim ɔ insɛns ɔlta nɔ go tinap igen
Bikɔs di siti we gɛt protɛkshɔn dɔn lɛf ɛmti, ples we pipul dɛn bin de, lɛf ɛmti lɛk di dray ɛn ɛmti ples we pipul nɔ go ebul tap; na de di kaw pikin de it gras, na de i de ledɔm de it di lif dɛn kɔmɔt pan di branch dɛn.
Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.
Ɛn da tɛm de, dɛn go blo wan big big trɔmpɛt, ɛn dɛn wan we bin lɔs na Asiria, ɛn dɛn wan dɛn we dɛn bin drɛb go Ijipt, go kam wɔship PAPA GƆD na di oli mawnten na Jerusɛlɛm.