×

أَتَّوْرَتْ دَ أَنَّبَاوَا 2020

Ishaya 30

1
إِنْجِ يَهْوٜىٰهْ ، «كَيْتُوانْكُ، یَیَنَ مَاسُ تَيَرْوَ! كُو مَاسُ عَيْكَتَ نُڢِ، عَمَّا نُڢِنْ دَ بَنَوَبَ، كُنَ طَوْرَ يَرْجٜىٰجٜىٰنِيَ بَاتَرٜىٰدَ نُڢِينَبَ، تَهَكَ كُنَ تَعَيْكَتَ ذُنُوبِ عَكَنْ ذُنُوبِ؞
2
كُنَ غَنْ‌غَرَوَ ذُوَا ڧَسَرْ مَصَرْ، بَاتَرٜىٰدَ نٜىٰمَنْ شَوَرَاتَبَ، كُنَ نٜىٰمَنْ وُرِنْ ٻُيَ أَوُرِنْ ڢِرْعَوْنَ، كُنَ نٜىٰمَنْ مَڢَكَا عَ إِنُوَرْ سَرْكِنْ مَصَرْ؞
3
دُواْمِنْ حَكَ، وُرِنْ ٻُيَ نَ ڢِرْعَوْنَ ذَيْ جَٰوُاْ مُكُ كُنْيَا، وُرِنْ مَڢَكَا نَسَرْكِنْ مَصَرْ ذَيْ ذَمَ مُكُ أَبِنْ ڧَسْڧَنْثِ؞
4
كُواْدَيَكٜىٰ دَتَّاوَنْسَ سُنْ كَيْ غَرِنْ ذُواْوَنْ، وَكِلَنْسَ كُمَ سُنْ كَيْ حَرْ غَرِنْ هَنٜىٰسْ،
5
دُكْدَهَكَ كُواْوَ ذَيْجِے كُنْيَا تَوُرِنْ مُتَنٜىٰ مَرَسَ كَٰوُاْ رِيبَ، وَطَنْدَ بَسُ كَٰوُاْ تَيْمَكُواْ كُواْ ثِيغَبَبَ، سَيْدَيْ كُنْيَا دَ ڧَسْڧَنْثِ؞»
6
غَا سَڧُواْ غَمٜىٰدَ دَبُّواْبِنْ دَاجِنْ نٜىٰغٜىٰبْ؞ «دُوبِے وَكِلَنْ يَهُودَ سُنَ تَڢِيَ أَ حَنْكَلِ سُنَ رَڟَاوَ تَمُوغُنْ دَاجِ ذُوَا مَصَرْ، دَاجِ نَظَكُواْكِ دَ مُوغَيٜىٰنْ مَثِيظَيْ؞ سُنَ طَوْكٜىٰ دَ كَايَنْ أَرْزِڧِ عَكَنْ جَاكُنَ، كَايَنْ أَجِيَرْسُ عَكَنْ رَاڧُمَ دُواْمِنْ نٜىٰمَنْ تَيْمَكُواْ دَغَ مَصَرْ، دَغَ مُتَنٜىٰ مَرَسَ كَٰوُاْ رِيبَ؞
7
تَيْمَكُوانْ دَ مَصَرْ ذَاتَ بَايَرْ، بَنْظَنٜىٰ، شِے يَسَا إِنَ كِرَنْتَ ‹مَثِيجِ مَرَرْ يِنْ كُواْمٜىٰ›؞»
8
يَهْوٜىٰهْ يَا ثٜىٰ مِنِ، إِنْ تَڢِے إِنْ رُبُوتَ وَنَّنْ سَڧُواْ عَ أَلُّواْ، إِنْ رُبُوتَ شِ ثِكِنْ لِتَّڢِ، دُواْمِنْ يَذَمَ تَبَّتَاثِّيَرْ شَيْدَ، شَيْدَ عَكَنْسُ حَرْ أَبَدَا؞
9
سُو یَیَنْ تَاوَيٜىٰ نٜىٰ، یَیَ مَرَسَ أَمِنْثِ یَیَنْ دَ سُكَڧِ جِنْ كُواْيَرْوَرْ يَهْوٜىٰهْ ؞
10
سُنَ ثٜىٰ وَمَاسُ غَنِ، «كَدَ كُسَاكٜىٰ غَنِنْ رُعُيَ!» سُنَ ثٜىٰ وَ أَنَّبَاوَا، «كَدَ كُيِ مَنَ أَنَّبْثِنْ غَسْكِيَ! كُدِنْ‌غَ ڢَطَا مَنَ أَبُ مَيْ دَاطِنْجِ، كُواْ دَمَا بَ غَسْكِيَ بَنٜىٰ؞
11
كُبَامُ حَنْيَ! كُبَامُ وُرِے! كُدَيْنَ دَامُنْمُ غَمٜىٰدَ ذَنْثٜىٰنْ مَيْ ڟَرْكِنَّنْ نَ إِسْرَٰٓءِيلَ!»
12
غَا أَمْسَرْ مَيْ ڟَرْكِنَّنْ نَ إِسْرَٰٓءِيلَ، «سَبُواْدَ كُنْڧِ سَڧُواْنَّنْ نَوَ، كُكَ دُواْغَضَ غَ دَنِّيَ دَ رُوطُ،
13
تُواْ، وَنَّنْ لَيْڢِے ذَيْ يِتَبِنْكُ؞ ذَيْ ذَمَ كَمَرْ وُرِنْدَ يَڟَٰغٜىٰ عَبَنْ‌غُواْ، بَنْ‌غُواْ مَيْ ڟَيِ مَرَرْ ڧَرْڢِے، ڢَاطُوَرْسَ ذَاتَذُواْ بَا ظَتُواْ بَاڟَمَّنِ؞
14
ذَيْ كُوَ ڢَرْڢَشٜىٰ كَمَرْ تُكُنْيَرْ لَاكَ، وَدَّ تَڢَاطِ تَڢَرْڢَشٜىٰ كَكَڢْ، حَرْ بَذَاعَ عِيَ سَامُنْ كَسْكُواْ دُواْمِنْ أَطَوْكِ غَرْوَشِنْ وُتَادَغَ مُضْهُ، كُواْ أَطٜىٰبُواْ ضُوَ دَغَ ضَنْدَابَ؞»
15
غَمَا إِنْجِ عُبَنْ‌غِجِ يَهْوٜىٰهْ ، مَيْ ڟَرْكِنَّنْ نَ إِسْرَٰٓءِيلَ، «تَوُرِنْ كُواْمُواْوَ غَرٜىٰنِ دَ نَڟُوَ ذَاكُ سَامِ ثٜىٰتُواْ؞ ثِكِنْ ݣُونْثِيَرْ حَنْكَلِ دَ دُواْغَضَ غَرٜىٰنِ ذَاكُ سَامِ ڧَرْڢِے؞» عَمَّا كُكَڧِ؞
16
أَ مَيْمَكُوانْ حَكَ كُكَثٜىٰ، «أَعَ، ذَامُ غُدُ عَكَنْ دَوَكِ مَاسُ غُدُ!» عِ، لَلَّيْ ذَاكُ غُدُ! كُكَ كُمَثٜىٰ، «ذَامُ هَوْ دَوَكِ مَاسُ ڠُونِنْ غُدُ!» عِ، لَلَّيْ ذَنْسَا مَاسُبِنْكُ سُڢِيكُ سَوْرِ!
17
دُبُنْ سُواْجُواْجِنْكُ ذَاسُ غُدُ دَ غَنِنْ أَبُواْكِنْ غَابَنْكُ طَيَ! دَ غَنِنْ أَبُواْكَنْ غَابَنْكُ بِيَرْ، دُكَنْكُ ذَاكُ غُدُ حَرْ ضَغُواْوَرْكُ ذَاتَ ذَمَ كَمَرْ سَنْدَنْ تُوتَ عَكَنْ تُدُ، كَمَرْ عَلَمَ عَكَنْ بَبَّنْ تُدُ؞
18
دُكْدَهَكَ يَهْوٜىٰهْ يَنَ جِرَا يَيِ مُكُ أَلْحٜىٰرِ؞ أَ شِرْيٜىٰ يَكٜىٰ يَيِ مُكُ جِنْڧَيْ؞ غَمَا يَهْوٜىٰهْ اللَّهْ نٜىٰ مَيْيِنْ غَسْكِيَ؞ مَاسُ أَلْبَرْكَ نٜىٰ مَاسُ جِضَانْسَ؞
19
حَڧِيڧَ، وَتَ جَمَعَ ذَاتَ ذَوْنَ أَ سِهِيُواْنَ، أَ عُرُوشَلِيمَ؞ بَذَاكُ سَاكٜىٰيِنْ كُوكَابَ؞ لَلَّيْ كُوَ ذَيْ يِمُكُ أَلْحٜىٰرِ سَعَدَّ كُكَيِ كُوكَا غَرٜىٰشِ؞ دَظَرَرْ كُوكَنْكُ نَنٜىٰمَنْ تَيْمَكُواْ يَكَيْ كُنّٜىٰنْسَ، ذَيْ أَمْسَ مُكُ؞
20
كُواْدَيَكٜىٰ عُبَنْ‌غِجِ يَبَاكُ وَهَلَ كَمَرْ عَبِنْثِ، عَذَابَ كُمَ كَمَرْ ضُوَ، دُكْدَهَكَ ذَاكُغَ مَلَمِنْكُ عُبَنْ‌غِجِ دَ عِدَنُونْكُ، بَذَيْ ٻُواْيٜىٰ كَنْسَ دَغَ غَرٜىٰكُبَ؞
21
كُواْ دَمَا كَضِكِثِے ثِكِنْ تَڢِيَ كَبِے دَامَ كُواْ هَغُ، كُنّٜىٰنْكَ ذَيْجِے مُرْيَ عَبَايَنْكَ تَنَ ثٜىٰوَ «غَا حَنْيَرْ، يِتَڢِيَ عَثِكِنْتَ؞»
22
ذَاكَ ݣُوشِ غُمَكَنْكُ وَطَنْدَ عَكَيِ مُسُ أَدُواْ دَ أَظُرْڢَا دَ وَطَنْدَ عَكَ رُڢٜىٰ دَ ظِينَارِيَ، كَجٜىٰڢَرْ دَسُو كَمَرْ أَبِنْ ڨَمَ، كَنَ إِيهُ، كَنَ ثٜىٰوَ «كُٻَثٜىٰ دَغَ غَرٜىٰنِ!»
23
يَهْوٜىٰهْ ذَيْ كُمَ عَيْكُواْ مُكُ دَ ضُوً سَمَ دُواْمِنْ إِرِنْ دَ كُكَ شُوكَ عَڧَسَا، حَڟِنْكُ دَ أَمْڢَانِنْ غُواْنَرْكُ كُوَ ذَاسُيِيَوَ؞ أَ رَانَرْ نَنْ دَبُّواْبِنْكُ كُمَ ذَاسُ سَامِ ثِيَوَ عَيَلْوَثٜىٰ؞
24
بِجِمَيْ دَ جَاكُنَنْ دَسُكٜىٰيِنْ عَيْكِنْ نُواْمَ ذَاسُثِ عَبِنْثِ مَڢِے أَمْڢَانِ وَنْدَ عَكَ ڠَرَ مُسُ؞
25
أَ رَانَرْ دَ ذَاعَ كَكَّشٜىٰ أَبُواْكَنْ غَابَنْكُ عَكُمَ رُرُّشٜىٰ وُرَارٜىٰنْسُ مَاسُ كَتَنْ‌غَ، أَ رَانَرْ نَنْ رَاڢُڢُّكَنْ ضُوَ ذَاسُ غُدُ دَغَ كَنْ كُواْوَنٜىٰ تُدُ مَيْ ڟَيِ دَ كُمَ كُواْوَنٜىٰ بَبَّنْ تُدُ؞
26
بَنْدَ حَكَمَا وَتَ ذَيْ يِ حَصْكٜىٰ كَمَرْ رَانَ، رَانَ كُمَ ذَاتَ ڧَارَ حَصْكٜىٰنْتَ حَرْ سَوْ بَݣَويْ، كَمَرْ أَنْتَتَّارَ حَصْكٜىٰنْ رَانَ نَݣُونَ بَݣَويْ أَ رَانَ طَيَ؞ وَنَّنْ ذَيْ ڢَرُ نٜىٰ أَ رَانَرْ دَ يَهْوٜىٰهْ يَڢَارَ طَطَّوْرَ مِيكِنْ مُتَنٜىٰنْسَ يَكُمَ وَرْكَرْدَ رَوْنُكَنْ دَ يَيِ مُسُ؞
27
غَاشِ يَهْوٜىٰهْ دَ كَنْسَ يَنَ ذُوَا دَغَ نٜىٰسَ، وُتَادَ هَيَاڧِے مَيْ كَوْرِ نٜىٰ عَلَمَرْ ڢُشِنْسَ؞ مَغَنَرْ بَاكِنْسَ ثِكٜىٰ دَ ڢُشِے تَكٜىٰ، هَرْشٜىٰنْسَ كَمَ دَ وُتَا مَيْ ثِنْيٜىٰوَ نٜىٰ؞
28
نُمْڢَشِنْسَ كَمَ دَ أَمْبَلِيَرْ ضُوَ نٜىٰ، ضُوَنْدَ يَثِكَ حَرْ يَكَيْ وُيَ؞ دَ نُمْڢَشِنْسَ ذَيْ رَيْرَايٜىٰ أَلْعُمَّيْ دَ رَرِيَ تَهَلَّكَ؞ يَهْوٜىٰهْ ذَيْسَا مُسُ لِنْظَمِ عَبَاكِ يَجَاسُ سُكَوْثٜىٰ دَغَ حَنْيَ؞
29
عَمَّا كُو جَمَعَرْ يَهْوٜىٰهْ ذَاكُيِ وَاڧَا كَمَرْ يَدَّ كُكَنْيِ أَدَرٜىٰنْ دَ عَكَ كٜىٰٻٜىٰ دُواْمِنْ بِكٍ سُجَّدَ؞ ذَاكُيِ مُرْنَ كَمَرْ يَدَّ كُكَنْيِ أَ هَوْرَاوَرْكُ دَ بُوشٜىٰ بُوشٜىٰنْ سَرٜىٰوَ ذُوَا بَبَّنْ تُدُنْ يَهْوٜىٰهْ ، ذُوَا وُرِنْ يَهْوٜىٰهْ دُوڟٜىٰنْ إِسْرَٰٓءِيلَ؞
30
يَهْوٜىٰهْ ذَيْسَا أَجِ مُرْيَرْسَ مَيْ طَوْكَكَ، ذَيْ كُمَسَا أَغَ سَوْكُواْوَرْ حَنُّنْسَ نَڢُشِے؞ ذَيْ سَوْكُواْ دَ ذَاڢِنْ ڢُشِنْسَ، دَ هَرْشٜىٰنْ وُتَا مَيْ ثِنْيٜىٰوَ، دَ غِذَغِظَيْ مَاسُ ٻَرْكٜىٰوَ دَ ضُوَ، دَ إِسْكَ دَ ضُوً ڧَنْڧَرَ؞
31
مُرْيَرْ يَهْوٜىٰهْ ذَاتَسَا أَسُّرِيَ تَڢِرْغِتَ، دَ سَنْدَنْ مُلْكِنْسَ ذَيْ بُغٜىٰسُ حَرْ ڧَسَا؞
32
يَايِنْ دَ يَهْوٜىٰهْ يَكٜىٰ بُغُنْسُ دَ سَنْدَنْ حُواْرُوانْسَ، يَايِنْ دَيَكٜىٰ بُغُنْسُ دَ حَنُّنْسَ مَيْ إِيكُواْ، جَمَعَرْسَ سُنَ تَكِطٜىٰ كِطٜىٰنْ تَمْبُرَ دَ غَرَايُ؞
33
تُنْ تُنِ أَنْشِرْيَ وُرِنْ وُتَا، أَنْشِرْيَ رَامِنْ وُتَا دُواْمِنْ سَرْكِنْ أَسُّرِيَ؞ أَنْيِ رَامِنْ دَ ڢَاطِ دَ ظُرْڢِ، أَنْثِكَشِ دَ وُتَادَ إِتَاثٜىٰنْ وُتَادَيَوَ، نُمْڢَشِنْ يَهْوٜىٰهْ ذَيْ كُنَّ وُتَرْ، نُمْڢَشِنْ كَمَرْ ڢَرَرْ وُتَا مَيْ وَرِنٜىٰ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula