“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.
Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!
Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.
Ẹghẹẹ, ọsụọn'a nị Di-nwọnni-ẹnyi te ye ụnụ ụya ri kẹ ihiẹn-oriri, ye ụnụ nsọngbu ra kẹ mirin, o zuemẹkọzị nwan enwẹn ẹ — ndị-nkuzi ụnụ ezuerikọzị, ụnụ jẹnkọ d'e gi ẹnya hụn wẹ.
Ogẹn hụ Osolobuẹ k'e gbu ndị ahụn, ogẹn hụ ụlọ nche uku ndị ahụn w'a gbaban k'e gi rị a dan, mirin k'a rị e huni ụnụ elu ugu ile jẹn elu lẹ elu òke ile jẹn elu.
Umẹrẹn ẹ nọ kẹ okẹn mirin rị e huni, hụn e ru ịhịan olu. O mẹhunmẹ alị ichẹn-ichẹn ebe ọ nọ a yọ wẹ, a ghọsị n'o nwọnni ihiẹn wẹ wụ; ọ kwa ndị alị ichẹn-ichẹn ngan kẹ anụ, e gi ẹ e duhuhu wẹ.
Osolobuẹ fịan wẹ ube mkpịnsịn ohu — ube mkpịnsịn hụ o gi e ye wẹ afụnfụn — ẹgede-chakachaka lẹ ụbọ-hapụ a han — ọ gha a dụ wẹ ịkpa, a lụsọn wẹ agha hụ.
O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.