Wuntaŋ’ mini goli ni saŋmarisi ti ku lan beni, ka sagbana ti kpabikpabi kaman sɔŋ la; ka saŋmarisi ti luna kaman wain tia vari la bee kaman fiig tia wala ni suuri luri shɛm la.
Bɛ ʒim mini bɛ kpam ni ti ŋam Yawɛ takɔb’ maa kaman bɛ ni zaŋ piɛ’ shɛb’ mini bu’ shɛb’ mali sara ʒim ni bɛ kpam la. Dama Yawɛ ni mali sara Bɔzira. O ni ku niriba pam Ɛdom tiŋgbɔŋ ni.
Buɣim ni di li wuntaŋ’ ni mini yuŋ zaa, ka di nyɔhi kpuɣi du zuɣusaa sahakam. Ka di tiŋgbani ni leei tiŋgban’ nɛli doya ʒiɛmani kam ni; ka so ku lan ka di ni na.
Vihimi Yawɛ kundi ni n-karim di ni yɛli shɛm. Biŋkɔbiri ŋɔ zaɣ’ yino ku pooi, ka bɛ mi zaa so ku kɔŋ bala. Dama Yawɛ n-zali ni di niŋ lala. Omaŋmaŋ’ Shia ni laɣim ba na.