Yĩngr teeda fãa na n lebga zũnd-zãnde, saaga na n paga wa sebre b sẽn dat n bĩngi, ãdsa ne b bugma na n sʋʋga zãnga, wala bugsuntung vãad sẽn dʋʋgde bɩ wala kankang vãado.
Ka yikayã la b na n gãneg ye, yaa ninsaalba, ka niis la b na n kood ye, yaa kom-koeemsã; b na n yɩɩ sʋʋg rɩɩbo, b tẽnga na n tɩga zɩɩm, a toma na n gĩsa ne kaam.
yʋng la wĩntoog bugma kõn ki ye, a bug-zõosa dʋʋda yĩngri, wakat buud fãa; tẽnga na n lebga zĩ-peen-daaga, tɩ zamaan pʋg taaba; ned ba ye kõn le tũ be meng ye.
Tẽnga na n lebga bakardo la yʋgenpɛl na-tẽnga, viuug la gãoobgo na n kẽe be. Soaala-Wẽnd na n kɩtame t'a lebg ween-vɩʋʋgo, Soaala-Wẽnd na n sarem-a-la zãnga.
Lak-y Soaala sebre n karem sẽn gʋlse: B nin-yend meng kõn pa poorẽ ye, ba a ye sũur kõn kiuus a tũud-n-taag poorẽ ye, tɩ yaa Soaala-Wẽnd meng noor n yet tɩ b maan boto; yaa bãmb n tʋlg tɩ b tigim taaba.