Qullan Arunaka DC 1997
|
| 1 |
| Wasar uraqix panqarkamakïniwa, waña uraqis achunak churani. |
| 2 |
| Taqiniw Tatitun jach'a kankañap uñjasax kusisipxani, Tatitux uka ch'usa wasar uraqirux Líbano qullur uñtat jiwak tukuyani, wali sum achuri Carmelo qullur uñtata, jan ukax Sarón siski ukkha suma qhirwar uñtata. |
| 3 |
| Pisi ch'ama jaqinakarusti ch'amañcht'apxam, qaritanakarus ch'amacht'apxarakim, |
| 4 |
| axsaririnakarusti sapxarakim: “Ch'amacht'asipxam, jan axsarapxamti” sasa. “¡Tatituw jumanakar qhispiyir jutani, uñisirinakamarusti mutuyarakiniwa!” |
| 5 |
| Ukapachaw juykhunakax uñjapxani, uqaranakas ist'apxarakini; |
| 6 |
| suchunakasti tarujanakjamaw sink'usipxani, amutunakasti arnaqasipxarakiniwa. Wasara waña uraqitsti, umax walipuniw jalsuni. |
| 7 |
| Uka wasar uraqix mä qutaw tukuni, waña uraqisti uma phuch'unakampi phuqhantatäniwa. Kawkhantix jichhax qullu anunakax jakapki ukkhasti, suqusanakampi, totoranakampiw jilantani. |
| 8 |
| Ukansti mä thakhiw utjani, ukasti “Qullana Thakhi” satäniwa; khitinakatix jan q'umachatäpki, pisi amuyunïpkaraki ukanakax janiw uka thakhinjam sarnaqapkaniti. |
| 9 |
| Ukan janiw leonanakax utjkaniti, janirakiw yaqha monte animalanakas jak'achasinkaniti. Qhispiyatanakaw uka thakhinjam kuttanxapxani, |
| 10 |
| khitinakarutix Tatitux qhispiyki ukanaka; Jerusalén markarusti kusiskañ q'uchunak jayllisaw mantapxani, wiñayatakiw kusisit jakapxani. Jachañasa, t'aqhisiñas tukusxaniwa, kusisiñampi, sumankañampikiw utjxani. |
| Notas ukanaka imaña |
https://beblia.bible:81/BibleAudio/aymara1997/isaiah/035.mp3
66
35