Ika Bible 2018
|
| 1 |
| Kẹ atụ kẹ alị ọkpọ-nkụn jẹnkọ d'a ghọghọ ogẹn hụ! Ẹghẹẹ, alị ọkpọ-nkụn jẹnkọ d'a ghọghọ, ihiẹn e pujun ẹ nọkẹ kẹ ẹfịfịa wụ krokusu dọn e pujun udu-mirin! |
| 2 |
| O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi. |
| 3 |
| Mẹ ni nwan ẹka kẹnrẹnlẹni kẹnrẹn, ụnụ e mẹ mkpụkụ zelẹni ze. |
| 4 |
| Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.” |
| 5 |
| Ogẹn hụ ẹnya onyẹ-isi k'a shịapụ, ntịn-okin a nụma ihiẹn. |
| 6 |
| Ndị ngụrọ k'a tụshimẹ elu kẹ ele; ndị odin k'e yimẹdẹ oro ịghọghọ! Isi-mirin k'e jun imẹ alị ọkpọ-nkụn mirin rịlẹni, iyi a rịsọnmẹ ẹ! |
| 7 |
| Alị te kpọgbu enwẹn ẹ nkụn k'e họnrin ọgbọ-mirin, alị nwẹn mirin te rịlẹni kaka k'e mẹ isi-mirin isi-mirin. Atụ nwẹn eje-anụ te weri k'e họnrin alị irurue lẹ achara-mirin lẹ achara-papirọsụ jun. |
| 8 |
| Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ. |
| 9 |
| Ẹwọrọ arịkọ ụzọ hụ, eje-anụ e ri anụ arịkọkwọ a — ndị hụn Osolobuẹ gbapụha sụọ k'a gha ụzọ hụ, |
| 10 |
| ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ. |
| Save Notes |
https://beblia.bible:81/BibleAudio/ika/isaiah/035.mp3
66
35