|
| 1 |
|
| أَ شٜىٰكَرَا تَغُواْمَشَا حُطُ تَمُلْكٍ سَرْكِے هٜىٰزٜىٰكِيَ نَ يَهُودَ، سَيْ سَرْكِے سٜىٰنَّكٜىٰرِبْ نَ أَسُّرِيَ يَكَيْ يَاڧِ عَكَنْ دُكَنْ بِرَنٜىٰ مَاسُ كَتَنْغَ نَ يَهُودَ، يَكُوَ ڨُوثٜىٰسُ؞ |
|
| 2 |
|
| سَيْ سَرْكِنْ أَسُّرِيَ يَعَيْكَ دَ وَكِيلِنْسَ دَغَ بِرْنِنْ لَكِشْ ذُوَا وُرِنْ سَرْكِے هٜىٰزٜىٰكِيَ أَ عُرُوشَلِيمَ، تَرٜىٰدَ بَبَّرْ ڧُنْغِيَرْ سُواْجُواْجِ؞ سَيْ وَكِيلِنْ يَڟَيَ أَ لَمْبَتُنْ دَيَكٜىٰ كَٰوُاْ ضُوَ دَغَ تَڢْكِ نَتُدُ، كُسَدَ حَنْيَرْ ڢِيلِنْ مَاسُ وَنْكِ؞ |
|
| 3 |
|
| سَيْ دَتَّاوَنْ سَرْكِنْ يَهُودَ غُدَا عُكُ سُكَ ڢِتُواْ دُواْمِنْ سُتَرْيٜىٰشِ، وَتُواْ عٜىٰلِيَكِمْ طَنْ هِلْكِيَ شُوغَبَنْ غِدَنْ سَرْكِے دَ شٜىٰبْنَ مَرُبُوثِنْ سَرْكِے دَ يُواْوَ طَنْ أَسَڢْ مَرُبُوثِنْ تَارِيحِ؞ |
|
| 4 |
|
| سَيْ وَكِيلِنْ سَرْكِنْ أَسُّرِيَ يَثٜىٰ مُسُ سُڢَطَا وَ هٜىٰزٜىٰكِيَ ثٜىٰوَ «بَبَّنْ سَرْكِنْ أَسُّرِيَ يَثٜىٰ، ‹عَكَنْ مٜىٰكَكٜىٰ دُواْغَضَ؟ |
|
| 5 |
|
| كَنَ ڟَمَّنِ مَغَنَ دَ بَاكِ كَوَيْ عِتَثٜىٰ دَبَرَرْ يَاڧِ دَ ڧَرْڢِنْ يَاڧِ؟ عَكَنْ وَ كَكٜىٰ دُواْغَضَ يَنْذُ دَ حَرْ ذَاكَيِ مِنِ تَاوَيٜىٰ؟ |
|
| 6 |
|
| غَاشِ، يَنْذُ كَنَ دُواْغَضَ عَكَنْ مَصَرْ، وَدَّ تَكٜىٰ كَمَرْ كَرَنْ مَصَرَ، وَدَّ إِنْ كَا جِنْغِنَ عَكَيْ، ذَاتَ كَرْيٜىٰ تَسُواْكِ حَنُّنْكَ؞ حَكَ ڢِرْعَوْنَ سَرْكِنْ مَصَرْ يَكٜىٰ غَ دُكَنْ وَطَنْدَ سُكَ دُواْغَضَ عَكَنْسَ؞ |
|
| 7 |
|
| كُواْ ذَاكُ غَيَ مِنِ ثٜىٰوَ كُنَ دُواْغَضَ عَكَنْ يَهْوٜىٰهْ اللَّهْ نْكُ نٜىٰ؟ تُواْ، بَنَاسَ وُرَارٜىٰنْ سُجَّدَ عَكَنْ تُدَّيْ دَ كُمَ بَغَدٜىٰنْ هَدَايَرْسَ نٜىٰ كَيْ هٜىٰزٜىٰكِيَ كَا رُرُّشٜىٰبَ؟ بَكَكُمَ ثٜىٰ وَمُتَنٜىٰنْ يَهُودَ دَ نَ عُرُوشَلِيمَ «عَبَغَدٜىٰنَّنْ دَيَكٜىٰ أَ عُرُوشَلِيمَ نٜىٰ كَطَيْ ذَاكُيِ سُجَّدَ» بَ؟› » |
|
| 8 |
|
| وَكِيلِنْ يَثِيغَبَدَ ثٜىٰوَ «تُواْ، سَيْ كَذُواْ كَدَيْدَيْتَ دَ مَيْغِدَانَ سَرْكِنْ أَسُّرِيَ؞ إِنَ عِيَ بَاكَ دَوَكِ دُبُو بِيُ، عِدَنْ كَيْ ذَاكَ عِيَ سَامُنْ مَاسُ هَوَنْسُ؞ |
|
| 9 |
|
| بَذَاكُ عِيَ ثِنْ نَصَرَا عَكَنْ سُواْجَ مَڢِے ڧَنْڧَنْتَ نَشُوغَبَانَ بَ، كُواْدَيَكٜىٰ كَنَ دُواْغَضَ عَكَنْ مَصَرْ سُبَاكَ كٜىٰكُنَنْ دُواْكِنْ يَاڧِ دَ مَاسُ هَوَنْ دَوَكِنْ! |
|
| 10 |
|
| بَنْدَ حَكَمَا، كَنَ ڟَمَّنِ مُكَ هَوْرَ ذُوَا نَنْ دُواْمِنْ مُهَلَّكَ ڧَسَرْ بَاتَرٜىٰدَ نُڢِنْ يَهْوٜىٰهْ بَ؟ أَيْ، يَهْوٜىٰهْ نٜىٰ يَثٜىٰ مِنِ، ‹كَهَوْرَ ذُوَا ڧَسَرْ نَنْ كَهَلَكَاتَ؞› » |
|
| 11 |
|
| سَعَنً عٜىٰلِيَكِمْ دَ شٜىٰبْنَ دَ يُواْوَ سُكَثٜىٰ وَوَكِيلِنْ سَرْكِے «يَا مَيْغِرْمَ، مُنَ ضُواْڧُواْ كَيِ مَغَنَ دَمُو دَ يَرٜىٰنْكَ أَرَمَيَ؞ أَيْ، مُنَ جِنْسَ؞ كَدَ كَيِ مَنَ مَغَنَ دَ يَرٜىٰنْمُ نَ إِبْرَانِيَنْثِ غَمَا مُتَنٜىٰنْ دَسُكٜىٰ عَكَنْ كَتَنْغَرْ بِرْنِ سُنَ جِنْكَ؞» |
|
| 12 |
|
| عَمَّا وَكِيلِنْ يَأَمْسَ يَثٜىٰ «أَيْ، بَ أَغَرٜىٰكُ دَ سَرْكِنْكُ نٜىٰ كَطَيْ شُوغَبَنَ يَعَيْكٜىٰنِبَ؞ عَمَّا حَرْ غَ مُتَنٜىٰنْ دَسُكٜىٰ ظَوْنٜىٰ عَكَنْ كَتَنْغَرْ بِرْنِنْ، وَطَنْدَ تَرٜىٰدَكُو عَكَ ڧَدَّرَ ذَاسُشَا وَهَلَ حَرْ سُثِ كَاشِنْسُ، سُشَا ڢِڟَرِنْسُ؞» |
|
| 13 |
|
| سَيْ وَكِيلِنَّنْ يَتَاشِ ڟَيٜىٰ يَطَغَ مُرْيَرْسَ دَ ڧَرْڢِے سُواْسَيْ يَيِ مَغَنَ عَيَرٜىٰنْ يَهُودَاوَا يَثٜىٰ، «كُسَوْرَرِ مَغَنَرْ بَبَّنْ سَرْكِے، وَتُواْ سَرْكِنْ أَسُّرِيَ! |
|
| 14 |
|
| إِنْجِ سَرْكِنْ، ‹كَدَ كُيَرْدَ هٜىٰزٜىٰكِيَ يَرُوطٜىٰكُ، غَمَا بَذَيْ عِيَ كُٻُتَرْ دَكُوبَ؞ |
|
| 15 |
|
| كَدَ كُمَ كُيَرْدَ هٜىٰزٜىٰكِيَ يَسَا كُدُواْغَرَ عَكَنْ يَهْوٜىٰهْ دَ ثٜىٰوَ «بَابُ شَكَّ، يَهْوٜىٰهْ ذَيْ كُٻُتَرْ دَمُو؞ بَذَاعَ بَادَ بِرْنِنَّنْ أَ حَنُّنْ سَرْكِنْ أَسُّرِيَ بَ؞» › |
|
| 16 |
|
| «إِنْجِ سَرْكِنْ أَسُّرِيَ، ‹كَدَ كُسَوْرَرِ هٜىٰزٜىٰكِيَ؞ كُشِرْيَ ذَمَنْ لَاڢِيَ دَنِے؞ كُڢِتُواْ كُذُواْ وُرِينَ؞ تَهَكَ ذَاكُ ذَوْنَ لَاڢِيَ، كُواْوَنّٜىٰنْكُ ذَيْ عِيَ ثِنْ یَیَنْ إِتَاثٜىٰنْ إِنَبِنْسَ دَ یَیَنْ إِتَاثٜىٰنْ ٻَوْرٜىٰنْسَ، يَكُمَ شَا ضُوً رِجِيَرْسَ؞ |
|
| 17 |
|
| ذَاكُيِ حَكَ حَرْ سَيْ نَذُواْ إِنْݣُوشٜىٰكُ ذُوَا وَتَ ڧَسَا كَمَرْ تَاكُ، ڧَسَرْدَ تَكٜىٰدَ حَڟِ دَ ضُوً إِنَبِے مَيْݣَوْ، ڧَسَرْدَ تَكٜىٰدَ عَبِنْثِ دَ غُواْنَكِنْ إِنَبِے؞ |
|
| 18 |
|
| كَدَ كُيَرْدَ هٜىٰزٜىٰكِيَ يَرُوطٜىٰكُ يَثٜىٰ «يَهْوٜىٰهْ ذَيْ كُٻُتَرْ دَمُو؞» أَݣَويْ وَنِ اللَّهْ نَوَتَ أَلْعُمَّ وَنْدَ يَتَٻَ كُٻُتَرْدَ ڧَسَرْسَ دَغَ حَنُّنْ سَرْكِنْ أَسُّرِيَ؟ |
|
| 19 |
|
| إِنَا أَلُّواْلِنْ هَمَتْ دَ أَرْڢَدْ؟ إِنَا أَلُّواْلِنْ سٜىٰڢَرْوَيِمْ؟ كُواْ أَلُّواْلِنْ سُنْ عِيَ كُٻُتَرْدَ سَمَرِيَ أَ هَنُّونَنٜىٰ؟ |
|
| 20 |
|
| دَغَ ثِكِنْ دُكَنْ أَلُّواْلِنْ ڧَسَاشٜىٰنَّنْ، وَنٜىٰ اللَّهْ نٜىٰ يَتَٻَ كُٻُتَرْدَ ڧَسَرْسَ دَغَ هَنُّونَ، حَرْ دَ ذَاعَ ثٜىٰ يَهْوٜىٰهْ ذَيْ عِيَ كُٻُتَرْدَ عُرُوشَلِيمَ دَغَ هَنُّونَ؟› » |
|
| 21 |
|
| عَمَّا مُتَنٜىٰنْ سُكَيِ شِضُ، بَسُ أَمْسَ مَسَ كُواْ دَ كَلْمَ طَيَبَ، غَمَا سَرْكِے يَبَادَ عُمَرْنِ ثٜىٰوَ «كَدَ كُ أَمْسَ مَسَ؞» |
|
| 22 |
|
| سَيْ عٜىٰلِيَكِمْ طَنْ هِلْكِيَ شُوغَبَنْ غِدَنْ سَرْكِے دَ شٜىٰبْنَ مَرُبُوثِنْ سَرْكِے دَ يُواْوَ طَنْ أَسَڢْ مَرُبُوثِنْ تَارِيحِ، دُكَنْسُ سُكَذُواْ وُرِنْ سَرْكِے هٜىٰزٜىٰكِيَ دَ رِيغُنَنْسُ عَيَاغٜىٰ، سُكَ غَيَ مَسَ مَغَنَرْ وَكِيلِنْ سَرْكِنْ أَسُّرِيَ؞ |
|
|
|
|