Asiiri rĩmã zĩnda Lakiis n tʋm a tãb-biis naabã ne tãb-biis wʋsgã rĩm a Ezekɩyaas nengẽ Zeruzalɛm. La tãb-biis naabã kẽng n tɩ yalsa ko-bao-kãsengã sẽn beẽ wã, ga-loasdã pʋʋg sor zugu.
Dẽ, a Hilkiiza biig a Eliyakim sẽn yaa rĩm a Ezekɩyaas balem-naabã, ne a Sebna sẽn yaa seb-gʋndã, la a Azaf biig a Yoa sẽn yaa seb-bĩngdã yiime n seg Asiiri rĩmã tãb-biis naabã.
Gese, fo rɩka f teegrã n teeg Ezɩpte, Ezɩpt yaool n yaa wa tãnwĩ-kaoongo, n kõsd ned ning fãa sẽn tik yẽnda wã nugu. Ezɩpt rĩm a Faarõ maanda a woto ne neb nins fãa sẽn dɩk b teegr n teeg yẽnda wã.»
Daar ninga, fo na n yeela maam yaa: «Yaa Sẽn-Ka-Saab sẽn yaa tõnd Wẽnnaamã la tõnd teeg yã. La ka Wẽnnaam-kãng maoong kʋʋb zĩisã ne a tẽn-kugã la a Ezekɩyaas sẽn dag n sãam n bas tẽn-kugr a yembr n yeel Zʋʋda ne Zeruzalɛm nebã tɩ yaa tẽn-kug-kãng taoor la b na n wõgemded n waoogd Wẽnnaamã la!
Moasã, mam kota foom, tɩ f maan sard ne mam soaalã sẽn yaa Asiiri rĩmã, la sã n mikame tɩ yãmb tara wed-rʋʋdb sẽn tõe n zomb wiidi, mam na n kõo yãmb wiid tus a yiibu.
Rẽ yĩnga, yãmb tõe n diga mam soaalã tʋmtʋmd ning sẽn yaa-a bilf n yɩɩdã meng t'a serge? Yãmb sẽn teeg Ezɩptã yaa b sẽn tar saar-dãmb ne wed-rʋʋdbã yĩnga.
Sẽn paas me, yãmb tẽedame tɩ maam n soog m meng n wa zab ne tẽn-kãngã n sãam-a tɩ ka tũ ne Sẽn-Ka-Saab raab la? Yaa Sẽn-Ka-Saab n yeel maam yaa: ‹Zab ne tẽn-kãngã n sãam-a.› »
A Eliyakim ne a Sebna la a Yoa yeela sõgen-kãsengã yaa: «Tõnd kotame tɩ y gom ne tõnd ne Aram-dãmbã goamã, tɩ tõnd wʋmdame. Da gom-y ne tõnd ne Zʋʋda nebã goam tɩ neb nins sẽn be lalgã zugã wa wʋm ye.»
Sõgen-kãsengã yeela bãmb yaa: «Yãmb tẽedame tɩ mam soaalã koɛɛgã yaa yãmb ne y soaalã yĩng bal la? Koɛɛgã yaa neb nins sẽn be-b lalgã zugã me yĩnga. Bãmb ne yãmb na n dɩ y bĩndã la y yũ y rʋʋd-koomã.»
Da kelg-y rĩm a Ezekɩyaas ye.› Asiiri rĩmã yetame: ‹Bɩ y bao zems-n-taar ne maam. Bas-y tɩ m soog-yã. Woto, yãmb ned kam fãa na n dɩ a reezẽ tɩɩsã biis ne a kankamã, la a tõog n yũ a bulgã koom,
Da sak-y t'a Ezekɩyaas belg yãmb n yeel tɩ Sẽn-Ka-Saab na n fãag-y lame ye. Rẽ yĩnga, buud a taabã wẽnnaam-dãmb tõog n fãag-b-la Asiiri rĩmã nugẽ sɩda?
A Hilkiiza biig a Eliyakim sẽn yaa na-yirã zak naabã, ne a Sebna sẽn yaa seb-gʋndã ne a Azaf biig a Yoa sẽn yaa seb-bĩngdã pãrsa b futu, n lebg n leb rĩm a Ezekɩyaas nengẽ, n tɩ togs-a goam nins fãa Asiiri rĩmã sõgen-kãsengã sẽn gomã.