a Izayi yeel-b lame: «Y na tɩ togs y zu-soaba tɩ Wẽnd koɛɛg la woto: ‹Da maan dabeem ne goam niyns f sẽn wʋma, ne tʋʋr ning Asʋr dĩma sõgna sẽn tʋʋs maama ye.
La rẽ yaa a sẽn da wʋm kibare tɩ Nubi dĩm a Tiraka bobame n wat n na n zab ne-a. Asiri dĩma wʋma kibarã la a tʋma neba tɩ b tɩ yeel Zɩɩda dĩma, a Ezekiyas:
Ad Siõ bi-pugla laada foom, a pursda foom, Zerizalɛɛm bi-pugla yĩgsda foom. Ãnda la fo tʋʋs yã n paoog-a? Ãnda poorẽ la fo gom beedo? Ãnda taoore la f zẽk f zug ne nagre? Ad yaa maam, a Israyɛl Nin-sõngã.
Fo tʋma neb tɩ b wa tʋʋs-ma, maam Naaba-Wẽnde, fo yeelame: Maam a Senakerib, m tara bilim-bilm ka tɛka, la yaa ne bãmb la m dʋ tãms ka tɛk zug tẽnsʋka, m taa Libã sẽn lug n sãdẽ wã, m kʋʋsa tɩ bɛda googo, m kʋʋsa a tɩ neebã, m bʋʋg-a-la a soondg zĩigẽ, a tʋgra pʋgẽ.
Sãnd fo miime, Senakerib, tɩ al daar zãra mam segla m seglgo n na n wã foo? M sẽn zĩnd n bʋgsã la m na pids rũnna Mam da kõo foo tõogo tɩ f kɩt tɩ tẽn-bɛd lebg raboodo.
Tẽnsa rãmb nus da maagame, b pãng ra sɛɛme, rabeem la yãnd tar-b lame tɩ b lebg wala pʋt moodo, wa mood sẽn sele, wa tɩɩs sẽn yit roog zugu, bɩ pʋ-wees mood sẽn nan ka bɩ n yãg n sʋʋgdẽ.
La f sẽn puug f sũurã ne maama yĩnga, f sẽn yiis tɩtaam goam tɩ lʋɩ m tʋbrẽ, m na vʋdg f yõore n sog bãnga, n ning salbre f noorẽ, n kɩt tɩ f rɩk sor ninga f sẽn tũ a soab n wa wã.
Daar a ye, a Senakerib kẽ a wẽnd a Nisrok roogẽ n pʋʋsdẽ t'a meng kamb a yiibu: a Adramelɛk ne a Sarezɛr n kɛɛ-a ne sʋʋga n lɛɛg n zoe n dig Ararat. A Asaradõ, a Senakerib biig a ye, n led a zĩiga.