Di saha ka dɔro daa gbaai Hɛzɛkia hal ka di ti mii. Ka Amɔz bia anabi Aizaia daa ka o sanna ti yɛl’ o, “Yawɛ yɛliya, malimi shɛlikam shili zali, dama a ku lan yiɣisi, a ni kpi.”
Nyama, n ni chɛ ka mahim tirisi yaɣi dunɔdura shɛŋa Ahaz ni daa me la dura pia zuɣu lab’ nyaaŋa. Ka wuntaŋ’ daa shiri tirisi lab’ nyaaŋa dunɔdura pia maa.
Bɛ wurim m biɛhigu shee kaman bɛ ni sibigiri piɛgul’ tanti suɣili shɛm la. N daa kpabi la n nyɛvili kaman kpalua ni kpabiri tana shɛm la, ka bɛ ŋmaai ma yihi kpalu’ dari ni. Wuntaŋ’ ni zaŋ hal ni yuŋ, o kul wuhirila n nyɛvili tariga.
N kukoli daa niŋla kukol’ bila ka bi kpɛma, ka n daa bamdi kaman ŋmani la. N daa lihila zuɣusaa hal ka n nina ti fulim. N Duuma, yihim’ ma muɣisigu ŋɔ ni.