WẼNNAAM SEBRE 2014
|
| 1 |
| Wakat-kãnga, a Baladan biig a Merodak-Baladan sẽn yaa Babilond dĩmã tʋma neb a Ezekɩyaas nengẽ ne sebre, la kũuni. Bala, yẽnda wʋmame t'a Ezekɩyaas lʋɩɩ bãaga, la a leb n paama laafɩ. |
| 2 |
| A Ezekɩyaas sũur yɩɩ noog ne bõn-kãnga. Yẽnda wilga b sẽn tʋm-b rãmbã yẽnda arzɛkã bĩngr zĩisã, wanzuri wã ne sãnemã, la parfẽ-rãmb sẽn tar yũ-noogã, ne kaam toay-toayã, la ne a zab-teedã fãa bĩngr zĩiga, ne teed nins fãa sẽn be yẽnda laogã bĩngr zĩigẽ wã. Bũmb ka be a Ezekɩyaas zakẽ wã ne a soolmẽ wã, t'a ka wilg neb nins Babilond dĩmã sẽn tʋmã ye. |
| 3 |
| Dẽ, Wẽnnaam no-rɛɛs a Ezayi waa rĩm a Ezekɩyaas nengẽ n wa yeel-a yaa: «Nin-bãmbã wa n yeelame tɩ bõe? La b yii yɛɛnẽ?» A Ezekɩyaas leokame yaa: «Bãmb yii tẽn-zãrga, b yii Babilond soolmẽ wã n wa n na n yãnd maam.» |
| 4 |
| A Ezayi leb n sokame yaa: «Bãmb yãnda bõe fo zakẽ wã?» La a Ezekɩyaas leokame: «Bãmb yãnda bũmb ning fãa sẽn be mam zakẽ wã. Bũmb ka be mam laogã bĩngr zĩigẽ mam sẽn ka wilg-b ye.» |
| 5 |
| Woto, a Ezayi yeela a Ezekɩyaas yaa: «Bɩ y kelg Saasẽ-Pãng-Soabã koɛɛga! |
| 6 |
| Daar n wate, tɩ b na n wʋk bũmb ning fãa sẽn be fo zakẽ wã, ne fo yaab-rãmbã sẽn dag n bĩng bũmb ning hal tɩ ta rũndã wã n tall n kẽng Babilonde. Bũmb kõn tol n kell ye. Yaa Sẽn-Ka-Saab n yeele.» |
| 7 |
| B na n yõga kom-dibli nins sẽn yaa yãmb meng kom-dogdsã n tall n loog tɩ b tɩ lebg zu-soben-dãmb Babilond dĩmã na-yir pʋga. |
| 8 |
| A Ezekɩyaas leoka a Ezayi yaa: «Sẽn-Ka-Saab koɛɛg ning fo sẽn togsã yaa sõama.» A leb n yeelame: «Bala, mam sẽn ket n vɩ wã wakate, na n yɩɩ vɩ-bãane, la laafɩ.» |
| Save Notes |
https://beblia.bible:81/BibleAudio/mossi2014/isaiah/039.mp3
66
39