×

Ñanderuete Ñe’ẽ Porã 2015

4

1
Upe ára upévape 7 kuña ojapyhýta peteĩ kuimba’épe ha he’íta ichupe: Ore ro’úta ore galléta, ha roñemondéta ore aokuérape; ehejántena oréve toroguereko nde réra, eipe’amína orehegui ko ñemotĩ kóva.
2
Upe ára upévape Ñanderuete ombohokýta hakã porã ojajaipáva, ha Israel retã oñembotuicháta ha oñemoherakuã porãta, ombovy’a hag̃ua Israelguakuéra hembýva guivépe.
3
Ha ojehuva’erã umi hembýva Siónpe, ha umi ohasámava jehasa asy rupi ha oikove gueteri Jerusalénpe, oñehenóita heko potĩva ramo; ha Jerusalénpe ojehaíta herakuéra peteĩ kuatiañe’ẽme.
4
Ñanderuete ojohéi rire Sion rajykuéra mba’e ky’a ha omopotĩ rire ijapytégui Jerusalengua ruguy iñembojovake ha ijehavira rupi,
5
upérõ Ñanderuete ojapóta Sion cérro ha hetãygua atyguasu ári peteĩ arai hatatĩguiguáva arakuépe, ha tata rendy ohesapéta pyharekuépe; opaite mba’e ári katu oĩta Ñanderuete reko jajaipa,
6
omo’ã hag̃ua ichupekuéra ára hakúgui, amaguasu ha yvytu atãgui.
Guarani Bible 2015
Ñanderuete Ñe’ẽ Porã MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015
:
Guardar notas