×

Ika Bible 2018

Azaya 4

1
Ikpoho ẹsa k'a dọdọndẹ okẹnnyẹ ohu, sị a, “Dodo, ẹnyi nwọn chọrị ihiẹn-oriri ẹnyi, chọrịzịkwọ ẹkwa ẹnyi; ka werihụ ẹnyi nị ẹnyi zama ẹfan ị, gi ẹ wepụ ẹnyi ifẹnrẹn ẹnya!”
2
O ru ogẹn ahụn, agalaba Osolobuẹ k'e mẹ n'o suepụha jẹnkọ d'a ma mma, nwọn ọghọ; alị ugbo k'e mẹ ihiẹn ọda-ọda, ndị Izrẹlụ họdụnị k'a rị e gi ẹ a dụ ẹka obi, gi ẹ nwọn ọghọ.
3
Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.
4
Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.
5
Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.
6
O k'a wụrụnị wẹ okpukpu lẹ igungun anwụn gha a mụ, wụrụnị wẹ ebe w'a gbaban lẹ ebe w'a warị ogẹn ẹbi lẹ mirin-ozuzue.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes