Ɛŋa mëë cu raan jiɛc kui̱ känyä ca̱ŋ, min jak juc kä te thi̱n gua̱thni diaal tin cɛ wä thi̱n? Cua döör diaal ka̱m jɛ, kɛ ɣöö bɛ kua̱r dɔany piny. Cuɛ kɛ jak kä ce̱tnikɛ tup kɛ mutdɛ, cuɛ kɛ jak kä ce̱tnikɛ nyon mi lɔk jiɔamɛ kɛ bäärɛ.
Cu ŋäät jiɛn tääth dääpä com, kä cu ram in la puɔ̱t thöt ram in la tääth yiëth com, cuɛ wee i̱, “La̱t ɛmɛ, cɛ gɔaa ɛlɔ̱ŋ”, kä cukɛ jɛ pua̱t piny kɛ thöt kɛ ɣöö /cɛ bilɛ tɛɛth.
Bä kiɛr jak kä lo̱ny wuɔ̱thni päämni ti ko̱o̱t, kä bä wa̱tni jak kä lo̱ny ni däär löli, ɣän bä därdɔaar jak kä pul pi̱i̱ni, bä mun mi kööt jak kä wa̱t pi̱i̱ni.
No̱o̱ŋni kuth jiɛnku ba kɔn ben la̱r mɔ bi tuɔɔk ɔ. Akɛ la̱rkɛ kɔn tëë ci kɔŋ tuɔɔk, kɛ ɣöö dënɛ kɛ kulɛ car, banɛ min bi ben raar kulɛ ŋa̱c, kiɛ ba kɔn la̱r tin bi tuɔɔk.
Cä raan jak kä bëë kui̱c caam, ram mi bä kui̱ känyä ca̱ŋ mi bi ɣä cɔl kɛ ciötdä, bɛ ja̱l wi̱i̱ kua̱ri ce̱tkɛ mi jäälɛ ni tuäk, ce̱tkɛ min la tääth muɔ̱ɔ̱n mun a dɔny.
Ɛŋa mi ci jɛ la̱rkɔ kɛ nhiam, kɛ ɣöö dëëkɔ jɛ kulɛ ŋa̱c, mɔ ci jɛ la̱rkɔ mɔ a ŋot gua̱a̱th kɛ ɣöö dëëkɔ kulɛ wee i̱, “Tëë kɛ cuɔ̱ŋ”? Thilɛ ram mi ci jɛ lat, thilɛ ram mi ci jɛ la̱tkɔ a /kenɛ ni tuɔɔk, thilɛ ram mi ci ruac liŋ kä yɛ.