Kä cu Kuoth in la Kuoth Nhial, min cak pua̱a̱r kä cu jɛ riny, min cu piny ɣär kɛnɛ ti diaal tin bä raar thi̱n, mëë cu ji̱kɛ ŋök yiëë kä cu nɛy tin jäl thi̱n moc kɛ tëk wëë i̱,
Këtdɛ Kuoth Nhial dit mi pay cak, kɛ̈tdɛ dit puɔnyä pekni ɣɔaa diaal! Yɛn nɛy diaal tin ger rɛy yiëër kɛnɛ tin diaal tin thia̱ŋkɛ jɛ, kɛ dhuɔ̱li kɛ nɛy diaal tin cieŋ thi̱n.
Bi Kuoth Nhial ben raar ce̱tkɛ ram mi bum bum, bɛ ben ce̱tkɛ wääth köör mi ci rɔ rialikä kɛ ko̱r, cɛ wiee köör ko̱k kɛ jɔw mi di̱i̱t, cɛ rɔ nyoth ala ram mi bum kä ji̱ tɛ̈rɛ.
Kä bä ciöör buɔth kɛ duɔ̱ɔ̱p mi /kuec kɛn ɛ, bäkɛ bo̱th kɛ duɔ̱ɔ̱p mi /kueckɛ. Kä bä muth loc ni buay nhiamdiɛn, kä bä dhuɔ̱li jak kä car caar. Ti̱ti̱ kɛ kɛn ŋɔak tin bä la̱t, kä /cäkɛ bi pa̱l ruëëc.
Duundɛ ɣöö kɛn nɛy ti̱ti̱ cakɛ mac kä ca kuakiɛn pɛc, ca kɛn diaal jak kä pɛn kɔ̱k, kä cakɛ tɔ̱w duëël yieenä, mackɛ nikɛ kä pɛ̈ckɛ kɛ a thilɛ ram mi deekɛ luäk, la cua̱ pɛ̈ckɛ nikɛ a thil ram mi wee i̱, “Luɔcɛ kɛ jɔk!”
Ɛŋa ci Je-kɔb thöp ɔ ala pɛ̈c, mɔ ci I-thɛ-rɛl jak kä ba mac ɔ? /Ciɛ Kuoth Nhial jakɛ kä tuɔɔk ɔ, kɛ ɣöö canɛ jɛ duer duer, kɛ ɣöö /ka̱n guɔ̱ɔ̱r ni dupkɛ, kä /ka̱n ŋuɔ̱tkɛ luɔ̱th?