Oni bi gi moyambu, nga gu ko songodi mi ko, gimi siasia ko, rago nangba ti mbisimore mbiko ko; mi moi Torore ku riko, ko akúsa ruru sarangbanga fu arikaaboro.
Ya Mhori nga Yekova we, nga gu ko nafu angbangbaturũ ki zaraga ha, nakparaka kpotosende ku tuturu rago yo na agu ahe nakura rogo ho, nga gu ko nafu onga fu aboro ri kpotosende na toro fu agu yo nata rogo ho
Oni nibi vovo bia fu Yekova, na tambuahe fu ko ti digida kpotosende yo! nga agu roni nandu ku baime yo na agu ahe dunduko du rogo ho, aringara ti ngba gango baime yo na araki rogo ho a
Mi ayé na airavuran ngba gu gene i ama nga ha ya, mi angbé fu yo ku mbata yo ngba gu win agene i aina nga ha a ya. Mi asá bitimo ni imarago mbata yo fu yo, na nuganuga arago ni ruruhe Agi apai dunduko re mi amanga ha, mi ambú nga yo te
Da nga iravuran, nga kina gi moyambu te? da nga irangbianga du wa kina gi bandusunge kedi mi ni te? Da nga iravuran wa gu ni du zezeredi na mi, ni iravuran wa ga Yekova moyambu?
Ono agi yo re nga agu aboro i atuka ahe be yo ki gbu yo a, i dunduko nga agu yo gbina azi yo ngba ayaro du ni okooko yo ku abambukisa yo; i ye ka du wa ũmozi ka boro adu nga ho sa ka kusa yo ya, i wa ũgbugbu ahe a nga boro sa naya, “Mo káraga yo!” te
Da naafu Yakoba ni úghuahe, na Yisaraere ku be abatuka? A nga Yekova namangi he te? ko ani amangi ingapai kuti ko, ka i akpi nga nyemu ka peka fuo gako apai ya, ka i agia nga sangba gako ndika a ya
Si ko auka gako nzengerenzengere zinga ti ni ku ri ko na gu ome nga ga vura; si ki tigi we kirikiri pati ko, ka ko aruga nga tiko na pa ha ya; si ki zo ko, ka ko aberã nga pa ha kpotoko yo ya.