Kä bi ram kɛl a wee i̱, ‘Ɛ ɣän raan Kuɔth Nhial,’ kä ba ram in dɔ̱ŋ cɔl kɛ ciöt Je-kɔb, kä ŋotdɛ bi ram ɔ tetdɛ gɔ̱r i̱, ‘Kuoth Nhial,’ kä bɛ rɔ cɔli raan I-thɛ-rɛl.”
Nɛmɛ ɛ min ci Kuoth Nhial ɛ lar, Kuäär I-thɛ-rɛl kä Lueelɛ, ɛn Kuoth Nhial in la Ruey Ɣɔaa wëë i̱, “Ɛ ɣän min nhiam kä min jɔak, kä thilɛ Kuoth mi dɔ̱ŋ ɛ ni ɣän.
A yɛ /cɛ lath kä /cuarɛ dual, ɣän /ka̱n nɛmɛ lat /ka̱n jɛ la̱r yɛ ni wal? Kɛ yɛn nëënkä! Tëë kɛ Kuoth mi dɔ̱ŋ mi /ci mɔ a ɣän? Kä thilɛ ram mi bum mi dɔ̱ŋ mi ŋa̱cä.”
Nɛy diaal tin la̱tkɛ kuth jiɛn kɛ guäy, kä tin ca la̱t thilɛ kɛ luɔt. Kä nɛy tin ruac kɛ kɛ /cikɛ gui̱c kä kui̱c kɛn ŋɔak. Kɛ kui̱c ɛmɔ bakɛ jak kä po̱c.
Kɛn nɛy diaal tin palkɛ jɛ bakɛ jak kä po̱c, kä tin la̱tkɛ jɛ kɛ naath. Akɛ duɔlkɛ rɔ̱ kä akɛ ka̱nkɛ gua̱thkiɛn, bakɛ jak kä dual, ba kɛn diaal jak kä po̱c.
Cu tääth ni bël yiëth ka̱n kä cuɛ jɛ wä täth wi̱i̱ maac, cuɛ jɛ dɛŋ kɛ dey, cuɛ jɛ duäc kɛ buɔ̱m wuɔ̱ɔ̱knikɛ. Cu mäni mëë ci buɔth ɛ näk kä cɛ buɔ̱mdɛ thuk, kä thilɛ pi̱w ti cɛ math kä ci puɔ̱nydɛ bɛ̈c.
Cu ŋäät jiɛn bëër kɛ̈k, cuɛ jɛ kɛ̈k kɛ galam jiaath, kä cuɛ jɛ ŋuɔ̱k kɛ car caarɛ, kä cuɛ jɛ thɛm kɛ theem. Cuɛ jɛ la̱t ala puɔ̱ny mi ce̱tkɛ raan, nikɛ ta̱a̱ gɔɔyä ran kä cuɛ ciɛŋ ni duel.
Kä cuɛ luɔ̱ɔ̱r jiɔap piny, kä cuɛ wä mɛk ni rit kiɛ dhuɔ̱ny kä cu piith nikɛn ala jiɛn ti buɔ̱m buɔ̱ɔ̱m kä jiɛn ruɔ̱ɔ̱p diaal. Kä cuɛ luɔ̱ɔ̱r pith kä cu nhiaal kɛ jak kä do̱ny.
Kä cuɛ tha̱a̱ŋ jiaath pɛt mac, kä thaalɛ tha̱a̱ŋdɛ mi̱ethdɛ, kä bulɛ ri̱ŋ mi camɛ, kä ɣɔ̱cɛ kɛ tha̱a̱ŋdɛ wëë i̱, “Wa̱a̱ ci puɔ̱nydä leeth, cä ɣɔ̱c kɛ mac!”
Thilɛ ram mi caar jɛ kiɛ mi tekɛ ŋäc mi dëë wee i̱, “Cä tha̱a̱ŋdɛ pɛt ni mac, kä cä jurayni bul kɛ mimkɛ, kä cä ri̱ŋ bul kɛ jɛ a cä jɛ cam. Ɛ bä mi jiääk ku la̱t kɛ min ci duɔth thi̱n? Ɛ dëë rɔ ku goŋ nhiam bakä jiaath?”
Nɛmɛ ɛ min lat Kuoth Nhial in la Lueelu jɛ, mëë cak ji̱ ni jic wëë i̱, “Ɛ ɣän Kuoth Nhial min lät ti diaal, mëë lät pua̱a̱r ni kärɔa, mëë lät wi̱c muɔ̱ɔ̱n kɛ puɔ̱nydä,
ɛ ɣän jak ruac jäŋädä kä thuɔ̱k ɔ, kä ɛ ɣän jak ruac ja̱a̱knikɛ kä bi tuɔɔk ɔ, min ruac kɛ kui̱ Jɛ-ru-tha-lɛm i̱, ‘Ba jɛ ciɛŋ,’ min ruac kɛ kui̱ wi̱i̱ni Juda i̱, ‘Bakɛ nyɔk kɛ lätni, ɣän bä wi̱i̱kiɛn tin ci da̱k nyɔk kɛ lätni,’