×

EBIBILIA ENCHENU 2020

ISAYA 46

1
“Beli yagure inse, na Nebo yekumbire; emegwekano ye chinyasae chiria eberekire ne ching’iti ne chiombe; ebinto ebio bibogoirie nigo bire chigurube chindito ase ching’iti echio chiarosire.
2
Chinyasae echio nigo chiekumbete gochia inse amo, tichikonyara gotooria chigurube chiria, echio chinyene nigo chigwoswa chiairwa ase obosomba.
3
“Inwe ab’ororeria rwa Yakobo, inwe abatigari bonsi b’Abaisraeli, inwe aba nabeire mbabogoretie korwa ekero mwarenge ase chinda chi’abanyoko, na korwa ekero mwaagatire ase amaboko ’abanyoko, inyigwere!
4
Ninche ndabe amo nainwe nonya ngoika engaki y’obogotu bwaino, ekero morabe mwagotire kegima ne chimbuche chiarabire se, nimbe nkobabogoria. Ninche nabatongete, nimbarende, nimbabogorie na kobatooria.
5
“Ning’o moranyare kondeng’ania ng’a imbe buna oyio? Ning’o moranyare kongwekania ng’a togwekane nere?
6
Abanto nigo bakoumora chitahabu korwa emebuko yabo na korenga chifeta nekerengero, erio baakanera omoturi bw’etahabu, nere oyeroisia yaba enyasae, na abanto abwo batung’ama bosio bw’enyasae eyio bayesasima.
7
Erio bayeimokia bayebeka ase amareko abo, bayebogoria, bayetereka aase aye, yabeera aroro; tekonyara gotigera korwa aase agwo. Omonto naisa korera ase enyasae eria, ero tekonyara komoigwa gose komotooria korwa ase emechando yaye.
8
“Inwe abasaria, inyora amang’ana ayio, moyarengererie mono.
9
Inyora amang’ana abete kare; inche ninche Nyasae, onde tari; ninche Nyasae, onde tari onga buna inche.
10
Korwa omochakano nigo nararetie aya agochia koba; agwo kare nigo nabanete aya ataraba, ngateba: Emeroberio yane goika eikerane, onsi aya nganetie ninyakore.
11
Nindangerie ensoti eche korwa moocha, na omonto okorwa ense y’aare nache akore aya naroberetie. Aya nakwanire, goika nyaikeranie, na aya narobeirie, goika nyakore.
12
“Inwe abamore abanyabigoti bikong’u, inwe abamore aare korwa ase oboronge, inyigwera!
13
Narentire oboronge bwane ang’e, tibori aare, na ogotooreka kwane tikogotebana; nimbeke ogotooreka ase Sayoni; ning’ee Abaisraeli obonene bwane.”
Gussi Bible 2020
OLD EKEGUSII BIBLE PROTESTANT EDITION Bible Society of Kenya, 2020
:
Save Notes