Choruge ak itebe temburiek, ee inye ne i chepto ne bergeiyat ne bo Babulon; tebe ng’ony, ye mami ng’echeretab laitornatet, ee cheptab Kaldeik: amu ma keguurenen kogeny ne cheptalbisio ak ko ng’arng’ar.
Kas nito anyun, inye ne ichame ureriosiek, ne imeng’isiei, ameiiti kiy, ne imwae eng’ muguleldang’ung’ ile, Anendet, ama mi age kobatena; matebye ko u mosok, ama begunena lagok:
ago chein tuguchuto aeng’ betunak, begu lagok, ak kobiit mosoknatet: bwanjinin ko nyiitotin, agot ngo chang’ orgoinatosieguk, ak ko ng’isiat ng’orsosieguk.
Amu kiimang’u sogornateng’ung’; kiile, Mami chi ne keera; kigomaasin ng’omnateng’ung’ ak naeng’ung’: ak kiimwa eng’ muguleldang’ung’ ile, Anendet, mami age kobatena.
Tonon anyun nguno itinye ng’orsosiek, koboto chang’indab orgoinatosieguk, che kiibirtochige koboch ko i ming’in; ngo tos imuchi inyorune kelunet, ngo tos imuchi iterterisie.