×

أَتَّوْرَتْ دَ أَنَّبَاوَا 2020

Ishaya 48

1
«كُكَسَ كُنّٜىٰ، يَا كُو غِدَنْ يَعْڧُوبَ، كُو دَ عَكٜىٰكِرَا دَ سُونَنْ إِسْرَٰٓءِيلَ، كُو دَ كُكَ ڢِتُواْ دَغَ ثِكِنْ ذُرِيَرْ يَهُودَ! كُنَ ضَنْڟُوَا دَ سُونَنْ يَهْوٜىٰهْ ، كُنَ كِرَا غَ اللَّهْ نَ إِسْرَٰٓءِيلَ ثِكِنْ سُجَّدَ، عَمَّا بَعَثِكِنْ غَسْكِيَ كُواْ أَدَلْثِبَ؞
2
كُنَثٜىٰ دَكَنْكُ مُتَنٜىٰنْ بِرْنِ مَيْ ڟَرْكِے، كُنْثٜىٰ كُنَ دُواْغَضَ غَ اللَّهْ نَ إِسْرَٰٓءِيلَ، مَيْ سُونَ يَهْوٜىٰهْ مَيْ ضُنْدُنَا ؞
3
أَبُبُوَنْ دَ سُكَ وُثٜىٰ، نَيِ أَنَّبْثِنْسُ، نَسَنَرْ دَسُو؞ بَا لَابَرِ نَيِسُ، سَيْ نَسَا سُكَ ڢَرُ؞
4
غَمَا نَا سَنِ كُو مَاسُ تَوْرِنْ كَيْنٜىٰ، وُيَنْكُ كَمَرْ جِجِيَرْ ڧَرْڢٜىٰنٜىٰ، غُواْشِنْكُ كُمَ كَمَرْ تَغُلَّنٜىٰ؞
5
نَڢَطَا مُكُسُ تُنْ بَسُ ڢَرُبَ، دُواْمِنْ كَدَ كُثٜىٰ، ‹غُنْكِنَ نٜىٰ يَيِسُ، غُنْكِنَ دَ عَكَ سَسَّڧَ، صِڢُّواْڢِنْ ظُبِنَ، سُونٜىٰ سُكَ عَيْكَتَاسُ؞›
6
كُنْجِ غَمٜىٰدَ أَبُبُوَنَّنْ، كُكَ كُمَ غَ ثِكَاوَرْسُ، تُواْ، بَذَاكُ أَمِنْثٜىٰ نَڢَطِ غَسْكِيَ عَكَنْسُبَ؟ يَنْذُ ذَنْسَا كُجِ سَابَبِّنْ أَبُبُوَ، أَبُبُوَ نَأَسِيرِ وَطَنْدَ بَكُ تَٻَ سَنِبَ؞
7
يَنْذُ نٜىٰ كَطَيْ عَكٜىٰيِنْسُ، بَتُنْدَا بَ؞ كَاڢِنْ رَانَ تَيَوْ بَكُ تَٻَ جِنْسُبَ؞ نَيِ حَكَ دُواْمِنْ كَدَ وَنِنْكُ يَثٜىٰ، ‹أَيْ نَسَنْ دَسُو؞›
8
بَكُ تَٻَ جِنْسُ كُواْ سَنِنْسُبَ، تُنْدَا بَعَبُوطٜىٰ كُنّٜىٰنْكُبَ؞ غَمَا نَا سَنِ كُو مَاسُثِنْ أَمَانَ نٜىٰ، تُنْدَغَ حَيْڢُوَرْكُ أَنْكِرَاكُ یَنْ تَاوَيٜىٰ؞
9
دُواْمِنْ أَغِرْمَمَ سُونَنَ، نَدَنّٜىٰ ڢُشِنَ، دُواْمِنْ إِنْسَامِ يَبُواْ، نَرِڧٜىٰ ڢُشِنَ، دُواْمِنْ كَدَ إِنْكَوَرْ دَكُو؞
10
دُوبَ! نَڠُودَكُ دَ وُتَرْ وَهَلَ، عَمَّا بَ إِرِنْ وُتَا مَيْ ذَاڢِنْ دَ تَتَاثٜىٰ أَظُرْڢَا بَ؞
11
دُواْمِنْ أَغِرْمَمَ سُونَنَ، دُواْمِنْ أَغِرْمَمَ سُونَنَ، نَيِ وَنَّنْ؞ دُوانْمٜىٰ ذَاعَيِ بَنْظَ دَ سُونَنَ؟ بَذَنْ بَا وَنِ طَوْكَكَتَبَ؞»
12
«يَا كُو ذُرِيَرْ يَعْڧُوبَ، كُجِنِ، يَا كَيْ إِسْرَٰٓءِيلَ وَنْدَ نَكِرَا، نِنٜىٰ اللَّهْ ، نِنٜىٰ نَڢَرْكُواْ، نِنٜىٰ نَڧَرْشٜىٰ؞
13
هَنُّونَ نٜىٰ يَكَڢَ تُوشٜىٰنْ دُونِيَا، حَنُّنْ دَامَنَ يَشِمْڢِطَا سَرَرِنْ سَمَّيْ؞ سَعَدَّ نَكِرَاسُ سُكَنْذُواْ نَنْ دَنَنْ، سُغَبَتَرْ دَ كَنْسُ؞
14
«كُتَارُ دُكَنْكُ، كُجِ! عَثِكِنْ أَلُّواْلِ، وَنٜىٰنٜىٰ يَڢَطَا مُكُ أَبِنْدَ ذَيْ ڢَرُ؟ مُتُمِنَّنْ، نِے يَهْوٜىٰهْ نَا ڧَوْنَثٜىٰشِ، ذَيْ عَيْكَتَ نُڢِينَ عَكَنْ مُلْكٍ بَابِيلَ، حَنُّنْسَ كُمَ ذَيْ يِغَابَادَ كَلْدِيَاوَا؞
15
نِے يَهْوٜىٰهْ نِنٜىٰ نَايِ مَغَنَ، نِنٜىٰ نَا كِرَشِ، نَا جَغُواْرَنْثٜىٰشِ، ذَنْ كُوَ سَا يَيِنَصَرَا؞
16
كُمَڟُواْ كُسَ كُجِ وَنَّنْ! تُنْدَغَ ڢَرْكُواْ بَنْيِ مَغَنَ عَٻُواْيٜىٰبَ، تُنْ لُواْكَثِنْدَ يَڢَرُ، إِنَانَنْ؞» غَاشِ يَنْذُ عُبَنْ‌غِجِ يَهْوٜىٰهْ يَعَيْكٜىٰنِ، رُوحُنْسَ كُمَ يَبَانِ إِيكُواْ؞
17
إِنْجِ يَهْوٜىٰهْ مَيْ ڢَنْسَرْكُ، مَيْ ڟَرْكِے نَ إِسْرَٰٓءِيلَ، «نِنٜىٰ يَهْوٜىٰهْ اللَّهْ نْكُ، وَنْدَ يَكُواْيَ مُكُ دُواْمِنْ أَمْڢَانِنْ كَنْكُ، وَنْدَ يَنُونَ مُكُ حَنْيَرْ دَ ذَاكُبِے؞
18
أَيَّ! دَا عَثٜىٰ كُنْيِ بِيَيَّ دَ عُمَرْنَيْنَ، دَا سَلَمَرْكُ ذَاتَ كَسَنْثٜىٰ كَمَرْ ضُوً رَاڢِ، نَصَرَرْ أَدَلْثِنْكُ كُمَ ذَاتَيِ تَٻُلُّواْوَ كَمَرْ رَاڧُمَنْ ضُوً تٜىٰكُ؞
19
أَيْ، دَ ذُرِيَرْكُ ذَاسُيِيَوَ كَمَرْ يَشِ، یَیَنْ ثِكِنْكُ سُذَمَ كَمَرْ يَشِنْ بَاكِنْ تٜىٰكُ؞ بَذَاعَ كَوَرْدَ سُونَنْسُبَ، كُواْ أَ هَلَكَاسُ دَغَ غَبَنَ؞»
20
كُڢِتَ دَغَ بَابِيلَ! كُغُجٜىٰ وَ كَلْدِيَ! دَ بَبَّرْ مُرْيَ دَ إِيهٌ ڢَضٍ ثِكِ، كُسَنَرْ! كُيِ شٜىٰلَرْ وَنَّنْ حَرْ إِيَاكَرْ دُونِيَا ثٜىٰوَ « يَهْوٜىٰهْ يَا ڢَنْشِ بَاوَنْسَ يَعْڧُوبَ!»
21
بَسُجِ ڧِشِنْ ضُوَبَ، لُواْكَثِنْ دَ يَهْوٜىٰهْ يَبِيدَسُو عَثِكِنْ ذَاڢِنْ هَمَادَ؞ يَسَ ضُوَ يَٻُلُّواْ دَغَ دُوڟٜىٰ دُواْمِنْسُ، يَڟَٰغٜىٰ دُوڟٜىٰ، ضُوً يَٻَرْكٜىٰ يَيِ غُدُ؞
22
إِنْجِ يَهْوٜىٰهْ ، «بَابُ ذَمَنْ لَاڢِيَ دُواْمِنْ مُوغَيٜىٰ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula