Ammaa mi wi'i: “Mi somni hoore am meere, mi majjini semmbe am meere, walaa nafuuda. Ammaa fakat geɗal am haa Jawmiraawo woni, mbarjaari am ɗon haa Allah am.”
Jonta Jawmiraawo ɗon wolwa – O waɗi yam diga reedu daada am haa mi laato suka maako, mi lortina danygol Yaakubu haa maako, mi mooɓta Isra'iila haa maako. Ngam mi tedduɗo haa gite Jawmiraawo, Allah am woni semmbe am –
O wi'i: “Laataago suka am ummitinanɗo le'i Yaakubu, lortinanɗo luttuɓe Isra'iila, he'aay. Mi waɗete a annoora ummaatooje, haa kisndam am yotto keeri duniyaaru.”
Tijja, laar nder taarde fuu: Yimɓe ma fuu ɗon mooɓo, ɗon ngara haa maaɗa. Fakat bana min Jawmiraawo mi geeto! Mi wi'i ɗum, a jaagnorto ɓe bana fawne, a haɓɓan ɓe haa maaɗa bana ɓaŋgeteeɗo.
An boo a wi'an nder ɓernde ma: Moy danyani yam koy? Mi sooyno ɓikkoy, mi dimarono, mi dahaaɗono, gudinaaɗo. Moy mawnini koy? Ndaa, mi geewaaɗono. Toy koy ngonno?”
Ndaa nii Jawmiraawo Allah wi'i: “Mi ɓaŋgtan juŋngo am heedi ummaatooje, mi darnan tuutawal am heedi jama'aaje. Ɓe lortinan ɓiɓɓe ma worɓe dow juuɗe maɓɓe. Ɓe ndoondoto ɓiɓɓe ma rewɓe dow balbe maɓɓe.