हे यरूशलेम, तँ बलियो बन् र फेरि महान् हो! हे परमेश्वरको पवित्र सहर, गौरवको पोशाक लगा। खतना नभएका र बिटुलिएकाहरू कहिल्यै तेरा मूल-ढोकाभित्र पस्नेछैनन्।
अनि अहिले बेबिलोनियामा त्यही कुरा भएको छ। तिमीहरू कैदी भएका छौ र कसैले दाम तिरेका छैन। तिमीहरूमाथि शासन गर्नेहरूले घमण्ड गर्छन् र मेरो नाउँको निन्दा गर्छन्।
शुभ खबर लिएर, शान्तिको खबर लिएर, पर्वतहरू पार गरेर आउँदैगरेका सन्देशवाहक देख्न पाउनु कति आनन्दको कुरा हो! त्यसले मुक्तिको घोषणा गर्दछ र सियोनलाई भन्दछ, “तेरा परमेश्वर राजा हुनुहुन्छ!”
तर अब धेरै जातिहरू त्यसलाई देखेर छक्कपर्नेछन्, राजाहरू आश्चर्य मानी बोल्न सक्नेछैनन्। तिनीहरूले हेर्नेछन् र हामीले कहिल्यै नजानेको कुरा भएछ भनी बुझ्नेछन्।”