बियर्थ ही आपन धन अइसी कउनो वस्तु पइ काहे बर्बाद करत अहा जउन सच्चा भोजन नाहीं अहइ? अइसी कउनो वस्तु बरे काहे स्रम करत अहा जउन फुरइ मँ तू पचन्क तृप्त नाहीं करती? मोर बात धियान स सुना। तू पचे सच्चा भोजन पउब्या। तू पचे उ भोजन क आनन्द लेब्या जेहसे तोहार पचन्क मन तृप्त हो जाइ।
जउन कछू मइँ कहत हउँ, धियान स सुना। मोर सुना ताकि तोहार आतिमा जिअब। तू पचे मोरे पास आवा अउर मइँ तोहरे सबन्क साथ एक करार करब जउन सदा-सदा क बरे बना रही। इ करार वइसी ही होइ जइसी करार दाऊद क संग मइँ किहे रहेउँ। मइँ दाऊद क वचन दिहे रहेउँ कि मइँ ओह पइ सदा करुणा करब। अउर तू पचे उ वचन पइ बिस्सास कइ सकत ह।
हे पापियो! आपन पापपूर्ण जिन्नगी क तजा। तू पचन्क चाही कि तू पचे बुरी बातन सोचब तजि द्या। तू पचन्क चाही कि तू पचे यहोवा क लगे लउटि आवा। जब तू पचे अइसा करब्या तउ यहोवा तू पचन्क क सुख देइ। ओन सबहिं क चाही कि उ पचे यहोवा क सरन मँ आवइँ काहेकि परमेस्सर हमका छिमा करत ह।