La mam yeelame: «Ade, m ka le tõe n yaag m noore, tɩ m noor yaa rẽgdo, m ka tõe n naag n pẽg ye; pʋs n yaa m buuda zãnga n ya rẽgdo. M sẽn yaool n yãend a soaba yaa Dĩma, dũni fãa Soaala.»
Dẽ la m sok yã: «Na n talla woto n tãag wakat bʋgo, Soaala?» La b leok-m lame: «M na gũu tẽnsã sẽn wat n lebg vɩɩdo, tɩ ned ba a ye ka le kẽed-b ye, tɩ pʋʋg ba a ye pa le tar koaad ye.»
La tẽn-kãnga pʋgẽ, nin-yend sã n põse, neb piig sʋka, ad-y b na n wẽnega tɩ-tobendo, kʋk bɩ tɩ-wok tobendo. Ad-y b na n lebga rũms rɩɩbo. La bãng-y tɩ tɩɩga yagenga na n yɩɩ bõn-paall a to sɩngre.