Pe doŋ gibimedde ki lwoŋi ni gaŋ ma doŋ gibwoto woko, loboni bene pe gibilwoŋo ni lobo ma odoŋ obur, ento gibilwoŋi ni gaŋ ma calo dako ma cwinya yom i kome, kun gilwoŋo loboni bene ni dako ma ginyomo; pien Rwot cwinye yom i komi, dok loboni bibedo macalo dako ma ginyomo.
Rwot doŋ okwoŋo kwoŋ matek twatwal, kun kwoŋo ki bade me twer ni, “Pe dok abimiyo lukworri gicamo kani, lurok bene pe dok gibimato koŋo vinoni ma in iyelle me tiyo tic pire;
Wuwok ki kunnu, wuwok ki i dogcel, wuyub yo pi lwak; wutor yo, wutor yo gudo-gu woko, wucok gweŋ woko bene ki fye, ka doŋ wuil bendera malo pi rok ducu,
Nen, Rwot doŋ otyeko tito lok man oo wa i agikki lobo, ni, wuwac bot jo Cion ni, “Nen larrewu doŋ tye ka bino; nen, bakacicce tye bote cul me ticce bene tye i nyime.”