“A zọgụọ m vaịnị — mmẹ sụọ, onwọnni onyẹ alị ọwụlẹ yeni m ẹka. E gigụọ m olulu zọkpụkpọ wẹ, e gigụọ m ọnụma zọkpụkpọ wẹ, ẹdeke wẹ a gbayesọnmẹ m ẹwuru — ịya ratọsọnmẹ ẹwuru m.
M k'e ku oku ẹfọma ile Osolobuẹ mẹ, ihiẹn ndị o mẹ hụn w'e gi ja a mma; m k'e ku ihiẹn ile Osolobuẹ mẹni ẹnyi — ẹghẹẹ, ihiẹn-ọma bu ọda o mẹni ikpụlọ Izrẹlụ, ihiẹn ndị o mẹ yeni omikẹn lẹ okẹn ẹfọma a.
Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.
Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.
Euu Osolobuẹ, kị haịn i gi e mẹ ẹnyi a gha ụzọ ị a kpapụ, a kpọkin ẹnyi obi hụn ẹnyi gizilẹni a tụ egun i? Dodo, gi ufiri ẹnyi ndị idibo i kinhẹn, ufiri ebọn ẹnyi ndịnị wụ nke i!