फुरइ तोहार ही लोग तोहार कबहुँ नाहीं सुनेन। जउन कछू तू बातन कहया फुरइ तोहार ही लोग ओनका कबहुँ नाहीं सुनेन। तोहार जइसा परमेस्सर कउनो भी नाहीं लखेस। कउनो भी दूसर परमेस्सर नाहीं, बस सिरिफ तू ही अहा। जदि लोग धीरा धइके तोहरे सहारे क बाट जोहत रहइँ, तू ओनके बरे बड़े काम कइ देब्या।
हम तोहार उपासना नाहीं करित ह। हम का तोहरे नाउँ मँ बिस्सास नाहीं अहइ। हम मँ स कउनो तोहार अनुसरण करइ क उत्साही नाहीं अहइ। एह बरे तू हमस मुँह मोड़ लिहा ह। काहेकि हम पाप स भरा अही एह बरे हम तोहरे समन्वा असमर्थ अही।
का इ सबइ वस्तुअन सदैव तोहका आपन पिरेम हम पइ परगट करइ स दूर रखिहीं। का तू कबहुँ कछु नाहीं कहब्या? का तू अइसे ही चुप रह जाब्या? का तू सदा हमका दण्ड देत रह्ब्या?