Di ni sɔhigi kaman buɣim ni chɛ ka kom din tam di zuɣu kpeeri shɛm la. Kamina ti wuh’ a yiko ni nyɛ shɛm a dimnim’ sani, ka zuliya kam zaa ni sɔhig’ a tooni.
Kurimbuni ha zaŋ na ni pumpɔŋɔ, so nini na ʒi n-nya bee n-wum ni Naawuni so beni pah’ a zuɣu, ka nyɛ ŋun tumdi tuun’ kara tiri ninvuɣ’ shɛb’ bɛn guhir’ o.
Ninvuɣ’ shɛb’ bɛn tumd’ a yubu ni suhupiɛlli, ka dol’ a soli n-nyɛ a ni sɔŋdi shɛba. Amaa ti ni kul tumdi alahichi zuɣu, ka a suhu yiɣisi bahi ti zuɣu maa. Amaa hal a suhu ni kul yiɣisi bahi ti zuɣu maa zaa yoli, ti kul tumdila alahichi maa kurimbuni hal ni pɔŋɔ, ka di simdi ni ti nya tiliginsim.
Ti zaa nyɛla alahichinima, ka ti wuntia tuma zaa ŋmanila binchɛr’ biɛri. Ti daalahichi zuɣu chɛ ka ti ŋmanila vari din kuui n-suui lu ka pɔhim ʒe li bahi.