Ika Bible 2018
|
| 1 |
| K'o furu y'a dọwapụ igwere, hidan — nkẹ ugu ile e mẹhunmẹ ihun i, |
| 2 |
| kẹ ọkụn dọn e mẹ nkụn e nwunrun ọkụn e mẹ mirin a gbọ; hidan n'i mẹ ẹrịra kẹni ndị-iṅẹnrẹn i marịn onyẹ ị wụ, kẹni alị ichẹn-ichẹn maman'ị piripiri. |
| 3 |
| Ogẹn i gi rụn okẹn-ihiẹn ndị hụ ẹnyi tụlẹni ẹnya a, y'e hidanghọ hụn ugu gi mẹhunmẹ. |
| 4 |
| Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ. |
| 5 |
| Y'a nọkunmẹ ndị e gi obi ụsụọ e mẹ ihiẹn furuni, ndị a nyanhan ihiẹn i ku e gi ẹ e bi. Kanị, ogẹn ẹnyi gi tọ a pa oku i iwe nọ we i. Nanị ẹnyi e dọn nwan wanahịn? |
| 6 |
| Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere. |
| 7 |
| Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn. |
| 8 |
| Kanị Osolobuẹ, ịyụ wụ nẹdi ẹnyi. Ụrụa kẹ ẹnyi wụhụ, ịyụ wụ ọkpụ-ite; ẹnyi ile wụ ọrụn-ẹka ị. |
| 9 |
| Osolobuẹ, dodo, ebukẹlẹ olulu; atọlẹ a nyanhan njọ ẹnyi jẹnrin ejẹn. Dodo, lee ẹnyi ẹnya ihun, nị ndị nke i kẹ ẹnyi ile wụ. |
| 10 |
| Obodo i ile rị nsọ e họnringụọ nwan atụ. Zayọnụ wụdẹ nwan atụ; Jerusalẹm a gbagụọ okpokoro. |
| 11 |
| Ụlọ-nsọ ẹnyi hụn wụ mma ẹnyi hụn ndị nẹdi ẹnyi kanị nọ ja ị mma, kẹ wẹ dụn nwan ọkụn, ihiẹn ile ẹnyi kpọ ihiẹn a wụrụgụọ mkpọkọ-mkpọkọ. |
| 12 |
| N'ị hụngụ ihiẹn ndịnị ile, Osolobuẹ, y'e mẹhunmẹni? N'ị gbasọnmẹ nkịtịn, yesọnmẹ ẹnyi afụnfụn? |
| Save Notes |
https://beblia.bible:81/BibleAudio/ika/isaiah/064.mp3
66
64