|
| 1 |
|
| Nkaba nyeteekateekire kusherurwa abatakambuuririzaga. Nkaba nyeteekateekire kubonwa abatakansheruraga. Naagira eihanga eritarantakiire nti: Ndi aha, ndi aha. |
|
| 2 |
|
| Nkaba nsiiba nshashaanuriire emikono eihanga erigomi, ery'abantu b'emitwarize etari mirungi, abakuratira obwengye bwabo bonka; |
|
| 3 |
|
| Abatuura nibangwisa kubi nimbareeba, nibatambira ebitambo omu misiri, kandi nibooterera obubaani aha matafaari, |
|
| 4 |
|
| abashutama omu bituuro bakaseesa ekiro bari omu myanya eyekiikire; bakarya enyama y'empunu, enyabya zaabo bakazitamu omucuuzi gw'ebintu birikuzira, |
|
| 5 |
|
| abagira bati: Guma wenka otampika, ahabw'okuba ndi orikwera. Abo bantu n'omwika gw'omu nyindo zangye, omuriro ogusiiba nigwaka. |
|
| 6 |
|
| Reeba, kindi aha mutima: Nyowe tindihunama, kureka ndyabahoora; buzimazima ndyabahoorera kimwe, |
|
| 7 |
|
| mbature ebicumuro byabo n'ebya baishenkurubo; Nyakubaho nikwo arikugamba. Ahabw'okwoterera obubaani aha nshozi, bakanjumira omu bibungo, ndyabaha ekifubiro kibashemereire nindeebera aha bi baakozire. |
|
| 8 |
|
| Nyakubaho naagira ati: Nk'oku omugimba gw'emizaabibu gubamu viino nsya, abantu bakagira bati: Mutagushiisha, ahabw'okuba gurimu omugisha; naanye ahabw'abaheereza bangye nikwo nditwaza, nkareka kubaita boona. |
|
| 9 |
|
| Yakobo ndyamuzaarukanisamu abaijukuru, na Yuda mmwihemu abarihungura enshozi zangye; abaheereza bangye bazituuremu. |
|
| 10 |
|
| Ahabw'abantu bangye abarikundamya, Sharooni eryaba eiriisizo ry'amasyo g'entaama, Oruhanga rwa Akori rube omwanya gw'amasyo g'ente kuhendamu enkokora. |
|
| 11 |
|
| Kwonka imwe abantsigaho Nyowe Nyakubaho, mukeebwa orushozi rwangye orurikwera, mukateekyera Gaadi obugyenyi, mukaijuriza Meeni ekikopo kya viino etimbwirwe, |
|
| 12 |
|
| ndyabateeraho muheru y'okwitwa rurara, mwena oku mutura mwinikye ebitsya, babaite. Manya ku naabeetsire, timwangarukamu, ku naagambire, timwantega kutu kureka mwakora ebi ndikwanga, mwasiima kukora ebi ntarikwenda. |
|
| 13 |
|
| Nikyo Nyowe Mukama Ruhanga ndikugirira nti: Abaheereza bangye baryarya, imwe mwitwe enjara; baryanywa, imwe mwitwe eiriho; baryayesiima, imwe mwitwe enshoni. |
|
| 14 |
|
| Abaheereza bangye baryayeshongora bananukire; haza imwe muboroogye mwine obusaasi aha mutima, mucure mwine obujune. |
|
| 15 |
|
| Eiziina ryanyu riryatsigara nirikyeenwa abu naatooraine; Nyowe Mukama Ruhanga mbaite, haza abaheereza bangye mbeete erindi iziina. |
|
| 16 |
|
| Atyo oriba ayeshabiire omugisha omu nsi, agweshabire ahari Ruhanga ow'amazima, n'oriba naarahira omuri egi nsi, arahire Ruhanga ow'amazima, ahabw'okuba enaku za ira ziryahwaho, zeebe, mbe ntakizireeba. |
|
| 17 |
|
| Reeba, hati nimpanga eiguru risya n'ensi nsya; ebya ira biryaba bitakiijukwa, nobu kwakuba okuteekwateekwaho. |
|
| 18 |
|
| Mbwenu mushemerererwe kandi munanukire eki ndikuhanga ebiro byona. Manya reeba, nimpanga Yerusalemu ey'okunanukiramu, abantu baayo bakashemererwa. |
|
| 19 |
|
| Ndyananukira omuri Yerusalemu, nshemerererwe abantu bangye. Eryaba etakihuririrwamu iraka ry'orikucura; nobu kwakuba okurira kw'abaine enaku. |
|
| 20 |
|
| Eryaba etakirimu mwereere owaafa amazire ebiro bikye azairwe, nari omugurusi otahikize ngingo za bukuru; ahabw'okuba omwana aryafa ahikize emyaka igana y'obukuru; kandi omusiisi orifa ahikize emyaka igana aryaba akyeenirwe. |
|
| 21 |
|
| Abantu baryayombeka amaju bagatuuremu; baryabyara emizaabibu, barye ebijuma byayo. |
|
| 22 |
|
| Tibaryombeka maju, abandi bakagataahamu; tibaribyara mizaabibu, abandi bakagirya. Manya nk'oku omuti gumara ebiro bingi, nikwo abantu bangye barihangaara. Kandi abatoorainwe bangye baryamara omwanya muraingwa nibashemerererwa ebi baakoreise emikono yaabo. |
|
| 23 |
|
| Tibarihendekyera busha, nobu kwakuba okuzaara abaana b'okugwerwa akagwe; Ahabw'okuba baryaba oruzaaro orw'abu Nyakubaho yaahaire omugisha hamwe na baijukuru baabo. |
|
| 24 |
|
| Ndyabeetaba batakaanyetsire, mbahurire nibakigamba. |
|
| 25 |
|
| Emishega n'abaana b'entaama biryarya kumwe; entare eryarya obunyaatsi nk'ente, n'omucuucu gube ebyokurya by'enjoka. Ahari orwo rushozi rwangye orurikwera tibirikoreraho kabi, nari okugira ebi byaitiraho; Nyakubaho nikwo arikugamba. |
|
|
|
|